Con motivo do Día Internacional do Libro Infantil, no que se conmemora o nacemento de Hans Christian Andersen, realizamos un taller de ilustración da man de Irene Sanjuán, ilustradora e deseñadora gráfica coruñesa, dirixido a un público de entre 8 e 12 anos.

Desde o IBBY (Organización Internacional para o Libro Xuvenil), este ano escolleuse a sección rusa, representada polo poeta Sergey Makhotin e o ilustrador Mikhail Fedorov, autores do texto e cartel respectivamente do Día Internacional do Libro Infantil. Por isto mesmo, o taller de ilustración partirá do conto "Matrioska", de Dimiter Inkiow, para dar renda solta ás famosas bonecas rusas, que montarán un auténtico photocoll e algunha sorpresa máis!!!

Lecturas e ilustración sempre unidas para promover a lectura e coñecer un pouco máis sobre os contos de tradición oral rusa, a súa ilustración e os costumes da vida cotiá.

Acompañará a esta celebración unha selección de contos de Andersen, e de autores e ilustradores rusos, que poderedes levar para a casa para gozalos como se merecen, coa calor das nosas casas.