E unha desas actividades é a que organizan as Bibliotecas Municipais que pretende renderlle a súa particular homenaxe a científicas galegas que cada día traballan desde os seus campos de investigación para mellorar a sociedade na que vivimos. Para iso, a través desta actividade destacarán a 9 para reivindicar a existencia de mulleres na ciencia e dar a coñecer o seu traballo.

No marco do 11F, Día da Muller e a Nena na Ciencia, as Bibliotecas Municipais da Coruña convídanche a mergullarte na inspiradora historia de 9 mulleres científicas que deixaron a súa marca na ciencia galega.

Durante varios días cada unha das 9 bibliotecas iluminarase coa fascinante historia dunha científica galega que desafiou barreiras e conquistou o mundo da ciencia.