Obradoiro que aborda a saúde afectivo-sexual desde unha perspectiva de xénero, no que se traballan as diferenzas na transmisión de valores emocionais, afectivos e sexuais segundo sexan mozas ou mozos, as repercusións que teñen as ditas diferenzas nas súas vidas e o impacto causado, neste ámbito tan importante da saúde, polos roles e estereotipos socialmente establecidos.
Só da Coruña
Igualdade e Diversidade
Complementaria
Alumnado a partir de 2.º a 4.º de ESO, bacharelato e Formación profesional básica e media.
Lectivo dos centros educativos
Obxectivos xerais
Obxectivos específicos
Introdución
Non existe unha sexualidade "normal", "correcta ou incorrecta". Todo aquilo que provoque un desexo ou unha curiosidade é adecuado. Só hai unha regra para unha sexualidade saudable: o respecto a un/unha mesmo/a e cara ás demais persoas.
Neste obradoiro abórdanse as consecuencias que ten unha educación afectiva que se elabora de modo diferente segundo se dirixa ás mozas ou aos mozos e que perpetúa, no conxunto da sociedade, diferentes expectativas segundo o xénero.
Existen un gran número de factores sociais que están a influír na aprendizaxe, as actitudes e condutas afectivas e sexuais da adolescencia e mocidade. Estes factores contribúen a manter e reforzar os roles e estereotipos de xénero, as desigualdades na parella e a violencia de xénero dentro e fóra da parella, destacando especialmente as violencias sexuais.
Estes factores evidencian un único modelo sexual, predominantemente masculino, heterosexual, carente de mensaxes positivas, centrado no goce persoal, na xenitalidade e nas relacións de poder e sometemento por parte dos homes sobre as mulleres.
A saúde afectivo-sexual forma parte da saúde integral da persoa, de aí a necesidade de abordar temas de sexualidade e afectividade dentro das aulas, para que o alumnado poida dispoñer dun espazo onde revisar e cuestionar este modelo afectivo-sexual tan pouco saudable.
Igualmente, existen tantas sexualidades como persoas hai no mundo, polo que a educación sexual debe ter en conta esta realidade, defender o dereito á diversidade sexual e a vivir de forma positiva o feito sexual humano e as súas posibilidades dende o respecto e a igualdade.
Condicións do programa/obradoiro
Metodoloxía
As actividades serán participativas, adaptaranse ás necesidades do alumnado e terán como eixe condutor o respecto en temas tan delicados ou sensibles como a saúde afectivo-sexual.
Potenciarase o intercambio de ideas, creando un clima de confianza no que ao alumnado resúltelle fácil falar das súas propias emocións e preocupacións, sen sentirse cuestionado.
Os contidos e materiais didácticos empregados estarán axustados ao nivel educativo e curso do alumnado participante.
O desenvolvemento do obradoiro abordará de maneira transversal o fomento de habilidades de comunicación e empatía entre o grupo de iguais.
Duración
Cada taller terá unha duración de 4 horas, secuenciadas en distintas sesións de 2 horas de duración máxima por sesión. Con todo, os horarios acordaranse con cada centro educativo.
As sesións serán secuenciadas consecutivamente e o máis próximas no tempo posible.
Procedemento de actuación polo centro educativo
Cada centro poderá seleccionar un máximo de dous talleres, seleccionando o centro educativo o nivel educativo e curso que considere máis acaído dos que se relacionan no apartado de "persoas destinatarias".
Dende o 08/01/2024 ata o 21/06/2024
2.º e 3.º trimestres do curso escolar 2023-2024
Dende o 15/09/2023 ata o 15/10/2023
Centro de Información ás Mulleres (CIM A Coruña)
Correo electrónico: cim@coruna.gal
Tel.: 981 184 200 ext. 67126 - 67905
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible