- Inicio
- Programas Educativos
- Detalle programa
Programa BOLSAS EUROPA FP-PROXECTO ACOREUROPA XII
O Concello da Coruña, por medio da Concellaría de Educación, Emprego e Relacións Institucionais, ofrece a titulados de grao superior de FP a oportunidade de realizar prácticas formativas de tres meses en empresas de diversos países de Europa (Malta, Italia, Portugal, República Checa, Polonia ou Austria), para promover a adquisición de competencias profesionais e mellorar as oportunidades de emprego, así como o coñecemento do idioma e a cultura doutros países.
Localización do centro:
Só da Coruña
Servizo municipal:
Educación
Tipo de actividade:
Outras
Titularidade do centro:
Público
A quen vai dirixido?:
Persoas tituladas de ciclos superiores de FP específica e cursos de especialización de FP entre decembro de 2023 e xuño de 2024, nos centros públicos de FP adscritos ao programa: CIFP Ánxel Casal, CIFP Imaxe e Son, CIFP Paseo das Pontes, CIFP Someso, IES Eusebio da Guarda, IES Fernando Wirtz, IES Ramón Menéndez Pidal, IES Urbano Lugrís e IES A Sardiñeira.
No caso das persoas tituladas en xuño de 2024, a súa participación quedará supeditada á xustificación de ter terminado o ciclo e superada a FCT.
Non poderán participar as persoas tituladas en FP na modalidade Dual.
Ter escasa ou nula experiencia profesional na titulación de FP cursada.
Prezo / Custo:
Dotación da bolsa
As persoas participantes recibirán en concepto de bolsa unha axuda económica 1.500,00 € destinada a financiar os gastos de manutención no país de destino (alimentación, viaxes locais e demais gastos diarios).
Ademais financiaranse as viaxes e o aloxamento.
A contía total está calculada sobre a base dos importes establecidos polo SEPIE e a achega municipal e da posible achega da Deputación.
Obxecto:
O obxecto deste programa é promover a aprendizaxe e a formación de mozos e mozas profesionais en Europa, así como o coñecemento do idioma e a cultura doutros países, mediante a concesión de bolsas para a realización de prácticas formativas en empresas de diversos países de Europa.
Cos obxectivos de:
- Apoiar a adquisición de competencias e mellorar o desenvolvemento persoal e as oportunidades de emprego.
- Mellorar a competencia en linguas estranxeiras.
- Aumentar a conciencia e comprensión doutras culturas e países.
- Asegurar un mellor recoñecemento das competencias adquiridas en períodos de aprendizaxe no estranxeiro.
Servizos incluídos no programa
O programa inclúe os seguintes servizos para cada participante:
- Viaxes e desprazamentos de ida e volta desde A Coruña ata a poboación de destino.
- Aloxamento no país correspondente durante o período da estadía.
- Contrato de formación non laboral por unha empresa do país correspondente durante un período de 90 días.
- Axuda económica para financiar a manutención durante a estadía
- Titorización da estadía e das prácticas formativas por persoal especializado, tanto da empresa coma da organización intermediaria no país de destino.
- Realización, como mínimo, de dúas xornadas de preparación específica para as persoas participantes no programa.
- O acceso a un curso "en liña" dos idiomas dos países de destino.
- Seguro de asistencia sanitaria e de responsabilidade civil.
- Tramitación da documentación ante o Servizo Español para a Internacionalización da Educación (SEPIE).
Condicións do programa
Dentro do prazo de presentación de solicitudes, ademais de formalizar a ficha de inscrición na web www.coruna.gal/educacion , as persoas interesadas deberán achegar unha serie de documentos nos rexistros municipais ou outros (presencialmente ou por rexistro electrónico https://sede.coruna.gob.es/opensiac/action/tramites?method=enter#l322),
A selección realizarase tendo os seguintes criterios (por confirmar):
- Cualificación media final no ciclo formativo. Ata 10 puntos
- Cualificación do idioma estranxeiro. Ata 12 puntos, de acordo ao nivel de lingua estranxeira adquirido no Marco Común Europeo das Linguas.
- Valoración do informe da titoría do centro onde o participante realizase os seus estudos. Ata 5 puntos.
Entidades colaboradoras
Nove centros educativos públicos de FP da Coruña, con titulacións de grao superior adscritos ao proxecto, que xunto coa Deputación (que achega financiamento) e o Concello da Coruña conforman o Consorcio.
O Servizo Español para a Internacionalización da Educación (SEPIE), do Ministerio de Universidades, que ten como misión xestionar a participación española no Programa Erasmus +.
Cando:
O período de realización das prácticas formativas será de setembro a decembro de 2024 (por confirmar).
Duración das prácticas: 3 meses (90 días).
Inscricións:
Dende o 05/03/2024 ata o 25/03/2024
O prazo de inscrición e presentación da documentación é de 15 días hábiles contados a partir do día seguinte de publicación no BOP das bases de selección (num.45 do 4 de marzo de 2024)
Acceso á inscrición: https://edu.coruna.gal/coruna_educa_familias/acore/
Contacto:
Requisitos:
Segundo as bases do programa
Organiza:
Concello da Coruña, en convenio co Servizo Español para a Internacionalización da Educación (SEPIE) do Ministerio de Universidades e a Deputación Provincial da Coruña.
Documentos:
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible