- Inicio
- Programas Educativos
- Detalle programa
XIV Obradoiro e concurso galego de robótica. A maxia da robótica 2023-24
Trátase dun obradoiro de programación e robótica onde o obxectivo é adquirir formación precisa para participar no concurso. Os conceptos computacionais utilízanse para enfocar e resolver problemas reais, comunicarnos con outras persoas e xestionar múltiples aspectos da nosa vida cotiá.
Localización do centro:
De calquera concello
Servizo municipal:
Educación
Tipo de actividade:
Outras
Titularidade do centro:
Público, Concertado, Privado
A quen vai dirixido?:
Alumnado dos seguintes niveis e categorías:
- de 1.º a 3.º de ESO
- 4.º ESO, BACH e FP de grao medio
O centro gañador en cada unha das categorías recibirá un premio de 300 € (só un premio por centro). Ademais, outorgaráselle un premio especial ao centro mellor clasificado do Concello da Coruña.
Horario:
Horario: das 09.15 ás 14.45 horas
En sesións das 09.15 ás 10.45 h; 10.35 ás 12.05 h; 11.55 ás 13.25 h; 13.15 ás 14.45 h
Prezo / Custo:
Gratuíto
Obxecto:
Aprender de modo lúdico os conceptos básicos e rudimentos da programación de robótica e resolver unha pequena colección de problemas de robótica do concurso. O enfoque é ver a programación como unha habilidade que calquera pode adquirir, sen importar a idade, nin a formación previa.
Preténdese ademais que o alumnado sinta a paixón pola aprendizaxe, a de integrarse nun grupo no cal deben compartir obxectivos e realizar un traballo colaborativo para poder resolver os desafíos que se lles propón ao longo da experiencia. Ofréceselle ao alumnado a oportunidade de desenvolver a creatividade, o pensamento algorítmico e a habilidade para solucionar problemas.
Obradoiro-Exposición.
Duración: 1 hora e 30 minutos co apoio de 5 monitores/as e 15 robots lego EV3, cun sistema de programación baseado en Labview, o estándar en control.
Fase previa no centro educativo. Iniciación: Cada grupo comeza o seu percorrido cunha presentación e iniciará a familiarización coa linguaxe icónica de programación EV3 de maneira en liña vendo os dous vídeos de Igaciencia Vídeo de Robótica1 e o VideodeRobótica2.
Fase de desenvolvemento. Taller e Concurso:
Duración: 1 hora e 30 minutos co apoio de 5 monitores/as e 15 robots lego EV3, cun sistema de programamción baseado en Labview ou estándar en control.
Taller: na primeira media hora, realizarán o obradoiro interactivo, conformado por unha serie de postos cun computador e un pack Lego xa preensamblado de diversas actividades interactivas, no que realizarán os primeiros programas de forma titorizada por monitores/as e trasladaranos aos robots para que procedan a executalos e contrasten as accións realizadas coas programadas, coa finalidade de darlle vida e facer funcionar o robot.
Concurso: por último, entregaránselles unha serie de desafíos de dificultade progresiva que deben resolver en grupo mediante traballo colaborativo. As tarefas implicarán unha programación sinxela dun robot e unha adaptación a nivel construtivo.
Por cada desafío realizado correctamente, asignaráselles unha puntuación predeterminada que, unha vez sumada, determinará o seu posto na clasificación final do concurso.
Requisitos:
Preferiblemente grupos de ata 40 alumnos/as por sesión.
O alumnado debe visualizar previamente os dous vídeos citados anteriormente.
Entrega de premios
A entrega de premios será o 10 de novembro ás 17:30 horas no IES Menéndez Pidal.
1 premio por categoría: ESO e Bacharelato, e mellor centro do Concello da Coruña
Cando:
Dende o 06/11/2023 ata o 10/11/2023
No IES Ramón Menéndez Pidal
Xa rematou
Inscricións:
Dende o 15/09/2023 ata o 15/10/2023
Os centros participantes deberán inscribirse desde o 15/09/2023 ata o 15/10/2023 na Ficha de solicitude xeral (a cubrir polo centro)
Unha vez realizada a inscrición na ficha de solicitude xeral, os centros accederán a realizar a ficha de solicitude específica na páxina de IGACIENCIA (http://www.igaciencia.eu/gl/node/391).
Prazo de inscrición a través da ficha de solicitude específica: do 2 a 27 de outubro de 2023:
- Do 2/10, ás 10.00 h, ao 11/10, ás 14.00 h, para os centros do Concello da Coruña: 1 grupo por centro na actividade de Robótica o que, á súa vez, dará opción a inscribir 1 equipo por centro na actividade de Drones, de ter interese en participar tamén nesta actividade. Contémplase a excepción para o centro anfitrión que poderá inscribir e grupos neste período.
- Do 12/10, ás 10.00 h, ao 20/10, ás 14.00 h, para os centros de fóra do Concello da Coruña coas mesmas condicións que figuran no apartado anterior.
- Do 23/10, ás 10.00 h, ao 27/10: se quedan prazas libres, inscrición para todos os centros dun segundo grupo en Robótica e/ou equipo en drons. Tamén terán opción de inscribir un equipo en Drons calquera centro, aínda que non estea inscrito en Robótica.
Contacto:
IGACIENCIA
Inés Ben (secretaria@igaciencia.org)
Servizo Municipal de Educación
Tel.: 981 184 200 ext. 10231 (educacion@coruna.gal)
Recursos humanos:
Monitores/as especializados/as
Enderezo:
Rúa Mª Victoria Fdez-España y Fdez-Latorre 2. 15002 A Coruña
Máis información:
IGACIENCIA (https://igaciencia.eu)
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible