Condicións do programa

1. Cada grupo representará a súa obra no seu centro e noutro centro da mesma etapa educativa e recibirá ao grupo de teatro dese centro, de maneira que será grupo anfitrión e grupo visitante.

2. As obras de teatro poderán representarse en horario escolar ou extraescolar.

3. As representacións teatrais da Mostra axustaranse, como mínimo e máximo, á seguinte duración:

• Educación infantil: entre 10 e 20 minutos.
• Educación primaria: entre 15 e 30 minutos.
• Educación secundaria: entre 30 e 60 minutos.

4. Deberes dos grupos participantes:

• Garantir a presenza dunha persoa responsable durante a representación, que reciba e atenda o grupo visitante.

• Contar cun espazo idóneo e os recursos necesarios para a representación da obra.

• O público asistente deberá estar formado por alumnado de idades similares e idóneas á temática das obras

• Facilitar a convivencia entre os membros dos grupos visitante e anfitrión.

• Cumprir co calendario e horarios establecidos para as representacións, como grupo anfitrión e visitante.

• Xustificar debidamente coas facturas correspondentes todos os gastos xerados pola realización da actividade e relacionados coa obra representada.

Gala final Mostra de Teatro Escolar 2024

O programa finalizará coa representación das obras gañadoras e a entrega de premios o venres 14 de xuño no Ágora.

Todas as representacións serán valoradas por un xurado composto por persoas relacionadas co mundo do teatro.

O xurado elixirá a mellor representación en cada unha das categorías (infantil, primaria e secundaria).

Os criterios de valoración terán en conta:a dramatización da obra, a orixinalidade ou a adaptación do texto, a escenografía, o vestiario, a calidade, corrección e fluidez lingüística, e a coordinación do grupo.

Cada grupo gañador recibirá un cheque por valor de 100 €.