A liña do bus urbano 24 chegará a partir do luns a toda A Zapateira, tal e como anunciou hai uns días o concelleiro de Urbanismo e Mobilidade, Juan Díaz Villoslada. Deste xeito, dáse resposta a unha vella demanda veciñal e un paso máis nas melloras da mobilidade entre A Coruña e os municipios da área metropolitana.

A Compañía de Tranvías da Coruña sinala que a prolongación da liña obriga a facer unha reorganización na ruta entre a praza de Pontevedra e Vallesur, polo que haberá cambios nos horarios.

O novo itinerario de Tranvías inclúe seis frecuencias diarias a Montegolf, Vallesur e as Oliveiras nos días laborables, mentres que os sábados serán tres e os domingos e festivos só dous.

O percorrido de bus aprobado é desde a actual parada do Carón ata as paradas na urbanización As Oliveiras pola travesía da Xesteira. O regreso é pola mesma travesía para tomar a travesía da Cornixa ata as portas da urbanización Montegolf, onde se daría a volta cara á parada do Carón, e de novo retomar o percorrido habitual da liña.  

As expedicións son as seguintes:  

Saídas desde a praza de Pontevedra a Vallesur: laborables: 07:05; 08:00; 14:00; 15:00; 20:30; 22:25 h, estas dúas últimas na liña 24A

Sábados: 10:00; 14:00; 22:00 h

Festivos: 14:00; 22:45 h

Saídas desde Vallesur á praza de Pontevedra

Laborables: 07:25; 08:25; 14:25; 15:25; 20:55; 22:50 h; as dúas últimas na liña 24

Sábados: 10:25; 14:25; 22:25 h

Festivos: 14:25; 23:10 h

Máis información da ruta na aplicación móbil da compañía.