Tras pronunciarse publicamente varios destes concellos sobre o interese para poñer en marcha esta colaboración municipal, e outras manifestacións e declaracións realizadas neste mesmo sentido, finalmente pódese fixar como data de inicio o 21 de decembro de 2015 coa primeira reunión que propiciou o alcalde da cidade da Coruña con alcaldes, alcaldesa, técnicos municipais e outros representantes de entidades do ámbito local.

Aí comezou un proceso que ten o seguinte percorrido histórico:

• 21 de decembro de 2015. Reunión do alcalde da Coruña con representantes municipais e do Consorcio das Mariñas para coordinar e complementar as estratexias urbanas.
• 7 de xaneiro 2016. Reunión do alcalde da Coruña con representantes municipais e do Consorcio das Mariñas para coordinar e complementar as estratexias urbanas.
  • Valoración e apoios recíprocos a EIDUS-Coruña e Estratexias do Consorcio.
  • Determínanse ámbitos estratéxicos de especial interese: Ría do Burgo, coordinación do planeamento urbanístico, transporte e mobilidade, enfoque metropolitano na prestación de servizos (residuos e ciclo da auga) e estratexias de Innovación (Cidade da Ciencia e da Innovación).
  • Decídese impulsar a conformación de mesas de traballo vinculadas a ámbitos estratéxicos de especial interese e dotar dun instrumento de coordinación da estratexia e do desenvolvemento metropolitano.
• 11 de marzo 2016. Reunión do alcalde da Coruña con representantes do Consorcio das Mariñas para marcar as liñas básicas de funcionamento das mesas/grupos de traballo (por petición do presidente do Consorcio).
• 19 e 20 abril 2016. Reunións técnicas previas de Mesas e grupos de traballo. Centro Ágora da Coruña:
  • Posicionamento xeral sobre as cuestións para abordar
  • Obxectivos de acción mancomunada
  • Primeira proposta de acción coordinada / plan de acción
  • Fitos principais e establecemento dun calendario de referencia
  • Organización das mesas / grupos de traballo (composición, coordinación e réxime de funcionamento)

A partir desa data fóronse sucedendo as reunións de traballo organizadas por mesas coa súa temática, que se poden consultar no seu apartado correspondente.

Mesas de alcaldes e alcaldesa:

• 21 de abril de 2016. Mesa de alcaldes e alcaldesa e constitución das mesas e grupos de traballo. Reunión no Pazo de Mariñán.
• 17 de outubro de 2016. Mesa de alcaldes e alcaldesa da Área Metropolitana da Coruña (AMAC).
• 20 de outubro de 2016. Mesa de alcaldes e alcaldesa da AMAC. Declaración de María Pita.

As sucesivas reunións fóronse desenvolvendo nos meses posteriores, cuxos resultados poden coñecerse coa lectura das actas de cada unha delas.