O concerto do ciclo Modulartec sesión outono contará coa actuación de Rói aka XEaranX aka xBruxx aka Suán, un estudoso e músico desde moi novo que aos 6 anos comezou co piano e aos 7 coa gaita. Despois de tocar en varias bandas de rock comezou a estudar arpa celta e especializouse en música tradicional e folk de Galicia.

A parte visual será presentada por Borja Bernárdez, artista visual e membro do colectivo MIL111, que mostrará o seu novo proxecto en solitario titulado MAKYO. Na meditación zen, makyo refírese ás ilusións sensoriais que xorden durante a práctica. Este concepto é levado ao ámbito audiovisual, creando pezas que convidan o público a cuestionar a natureza da realidade e a percepción, explorando os límites entre o ilusorio e o real.