O Centro Cultural Escala da Coruña volve organizar, grazas á colaboración do Excmo. Concello da Coruña, e de maneira ininterrompida, agás durante a crise sanitaria da Covid-19, o seu certame anual de maquetismo cuxo eixe central é o seu concurso de maquetismo, concurso decano entre todos os que teñen lugar na Península Ibérica.

Neste ano 2023 será a súa vixésimo terceira edición durante os días 6,7 e 8 de abril, no Fórum Metropolitano da Coruña, coa particularidade de que, por primeira vez, o concurso sumará puntos para o Campionato de España de Modelismo Estático.

Durante o certame desenvólvense diversas actividades vencelladas ao mundo do maquetismo como son: obradoiros para nenos, clases maxistrais e talleres de iniciación e perfeccionamento, demostracións de wargame e warhammer, demostracións de modelismo ferroviario, postos de venda e o concurso como eixe sobre o que xira este certame de 2023.

O Concurso está concibido para dous grupos de maquetistas: Menores de 16 anos e maiores de 16 anos. Á súa vez establécense 8 categorías temáticas ordinarias e 3 grupos de especial interese. Deste xeito, as categorías fican así:

A) Categorías Temáticas Ordinarias: Aviación, Vehículos Militares, Vehículos Civís, Barcos, Figuras & Bustos, Dioramas, Ciencia Ficción e Miscelánea.

B) Grupos de Especial Interese:

a. Vehículos Civís FORD

b. Figuras STAR WARS

c. Aviación Fronte do Pacífico.

PROGRAMA CERTAME INTERNACIONAL DE MAQUETISMO ESCALA 2023

· XOVES DÍA 6 DE ABRIL.

De 17.00 h a 20.00 h: Recepción de obras presentadas a concurso.

· VENRES DÍA 7 DE ABRIL.

De 11.00 h a 14.00 h: Recepción de obras presentadas a concurso.

Ás 17.00 h: inauguración do certame

De 17.00 a 20.00 h: Primeira xornada do certame.

De 17.30 h a 18.30 h: Obradoiro demostración de deseño e impresión 3D. Ender Factory.

Ás 20.00 h. Peche primeira xornada do Certame.

De 20.00 h a 22.00 .: Valoración de obras e deliberación do xurado.

· SÁBADO DÍA 8 DE ABRIL.

De 11.00 h a 14.00 h: Segunda xornada do certame.

De 11.30 a 13.30 h: Obradoiro sobre Iniciación á pintura de figuras históricas e de fantasía para wargames.

De 17.00 a 18.00 h: Continuación segunda xornada do certame.

De 18.00 h a 20.00 h: Entrega de premios e clausura do certame.

De 20.00 h a 22.00 h: Recollida de obras e do mobiliario.