20 de septiembre de 2024
A competición, na que colabora o Concello, realizarase na Escola Maroña Indoor desde as 11.00 horas
Esta fin de semana realízase na Coruña o Campionato Galego Rampla (Bowl) para skaters federados/as en Galicia. A competición desenvolverase nas instalacións da Escola Profesional de Skate Maroña Indoor situadas na avda. Nostián (Polígono A Artística) Nave 11 da Coruña. O Concello da Coruña colabora na organización deste evento, co que promove o deporte entre a mocidade.
As categorías da competición serán a sub16 e absoluta feminina e masculina e o horario do evento prolongarase desde as 11.00 ata as 20.00 horas. Ás 11.00 h comezará a sesión de adestramento libre e aproximadamente ás 13.00 iniciarase a competición coa primeira manga. A partir das 16.00 e ata as 20.00 h os/as participantes loitarán por clasificarse nos primeiros postos da competición. A partir das 20.00 horas terá lugar a entrega de trofeos.
Os clubs participantes virán de toda Galicia e serán: Maroña Indoor (A Coruña), Viejo Lobo (Pontevedra), Northside (A Coruña), Barrier (Vigo) e Barrel (Narón). O concelleiro de Deportes, Manuel Vázquez, participará na entrega de trofeos, amosando o compromiso do Goberno de Inés Rey con todas as modalidades deportivas e a súa práctica entre a cidadanía para fomentar hábitos de vida saudables.
O campionato está organizado pola Escola Profesional de Skate Maroña Indoor coa colaboración do Concello da Coruña e a Federación Galega de Patinaxe.
22 de septiembre de 2024
22 de septiembre de 2024
22 de septiembre de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible