O Concello da Coruña, por medio da Concellaría da Área de Benestar Social da que depende o Servizo de Educación, convoca o programa "A Coruña no mundo: Bolsas EEUU 2024-2025 - 1.º de bacharelato en EEUU", no que se lle ofrece a oportunidade ao alumnado de 4.º de ESO, residente na cidade da Coruña, de cursar o grao 11 en EE UU -equivalente a 1.º de bacharelato- así como de adquirir un dominio avanzado da lingua inglesa e un coñecemento real doutra cultura.
De calquera concello
Educación
Outras
Público, Concertado, Privado
Alumnado residente na Coruña que estea a cursar 4.º de ESO durante o curso 2023/24 e que estea en condicións de cursar 1.º de bacharelato durante o curso 2024/25.
Publicación de listaxes definitivas
Ábrese un prazo de cinco días hábiles, que abarcará desde o luns día 26 de febreiro ata o venres día 1 de marzo (ambos incluídos) para que as familias seleccionadas acepten a bolsa. Transcorrido dito prazo sen que se produza tal comunicación, entenderase que renuncian á participación no programa. Consulta o Anuncio das listas definitivas de Bolsas EUA - Proposta de resolución definitiva
A aceptación deberá estar asinada por ambos os proxenitores ou titores legais. Despois de asinar o documento da aceptación, deben presentalo a través dos rexistros municipais (presencial ou telematicamente) ou en calquera das dependencias ás que se refire o artigo 16 da Lei 39/2015, de 1 de outubro , do procedemento administrativo común das administracións públicas.
No caso de presentar a documentación por medio dalgún rexistro non municipal, deberase enviar unha copia escaneada do mesmo (co selo do rexistro de entrada) por correo electrónico ao seguinte enderezo de correo electrónico: educacion@coruna.gal, dentro do prazo de aceptación.
Convócase ás familias seleccionadas e ás familias que ocupan os postos 41 a 45 da listaxe de agarda a unha sesión informativa sobre o programa, que se realizará o vindeiro martes 27 de febreiro, en horario de 18.30 a 20.00, no salón de actos do Centro Cívico Municipal dos Mallos. O máximo de persoas que poden asistir por familia son tres (solicitante, máis dous acompañantes designados pola familia).
Estadía nos EEUU durante o período correspondente a un ano académico neste país, vivindo cunha familia residente.
A estadía nos EEUU está prevista que comece en agosto de 2024 e finalice en xuño de 2025 (aprox.), incluídos os períodos escolares de Nadal e Semana Santa.
Dende o 23/10/2023 ata o 06/11/2023
O prazo de inscrición será de dez días hábiles desde o día seguinte da publicación das bases da convocatoria no Boletín Oficial da Provincia.
A través desta ligazón, que estará activa a partir do luns 23 de outubro, pódese acceder á inscrición neste programa.
Novas relacionadas
Documentos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible