Pouco antes das 16 horas do martes 18 de xullo de 2017 recíbense varias chamadas altertando dun incendio forestal no monte Patelo, próximo a unhas naves e ao centro comercial Marineda City.

A inaccesibilidade do monte fai que o incendio colla en poucos miniutos unhas dimensións considerables que alertan aínda máis á poboación, ao estar próximo a dous arteiras da cidade como son a Estrada Baños de Arteixo e a 3ª rolda.

Algúns dos accesos tiveron que ser cortados para o traballo de extinción.

Ao incendio desprazáronse 5 dotacións de bombeiros, 4 da Policía Local, 2 ambulancias, 3 camións das Brigadas de Medio Ambiente pertencentes á Consellería de Medio Ambiente da Xunta de Galicia, xunto con 2 dotacións de brigadas forestais, 2 helicópteros contraincendios e técnicos de Unión Fenosa, estes últimos, para ordenar o corte de subministración eléctrica das liñas de media tensión que pasan polo devandito monte.

O incendio afectou a monte baixo e zona de eucalipto nunha área de 3 hectáreas.