Esta adaptación teatral da novela homónima escrita por Antonio Lozano conta a historia de Suleimán, un neno que farto da terrible situación de pobreza que vive no seu país, Malí, decide marcharse xunto ao seu amigo Musa á próspera Europa. Alí esperan traballar e conseguir suficiente diñeiro para regresar e montar os seus propios negocios para axudar ás súas familias, pero a viaxe é dura e difícil. Deberán cruzar o deserto en camións incómodos e atestados de expatriados que como eles buscan unha vida mellor. Chegarán ata a fronteira con Melilla, pero alí o cruzamento do enreixado complicarase. Con todo, Suleimán non se dará por vencido e volverá tentar a viaxe, esta vez por mar.

En escena Isabel, unha compañeira de clase de Suleimán, é a encargada, xunto co traballo de animación audiovisual de Juan Carlos Cruz e baixo a dirección de Mario Vega, de narrar esta historia, que non é outra que a da viaxe que é capaz de emprender un neno co único fin de alcanzar os seus soños...

Con Marta Viera

Director: Mario Vega

Produción de unahoramenos producciones SL en coprodución co Ayuntamiento de Agüimes 

*Venda de entradas soltas a partire do 6 de setembro

Despacho de billetes da Praza de Ourense, de luns a venres de 11 a 15 e de 16.30 a 19.30 h

Despacho de billetes do Teatro Rosalía: só abre os días de función desde as 16 h

Venda en liña