Unha mostra integrada por máis de 150 pezas, entre materiais artísticos, históricos e documentos, obras de membros da Real Academia e estudosos/as das artes do país que contribúen, desta forma, a mostrar a traxectoria da RAGBA ao longo do tempo.

Ademais, a exposición tamén presta especial atención á visibilidade das obras e ao traballo das academias.

A mostra estará aberta no Quiosco Alfonso ata o 26 de abril. Ata ese momento, programaranse seis conferencias abertas ao público, de diferentes especialistas, que se realizarán no espazo baixo cuberta do Quiosco.

Realizaranse 4 visitas guiadas á exposición "A Cidade das Artes" con motivo do 175 aniversario da Real Academia Galega de Belas Artes. Durante a visita, de 1 hora de duración, aproximarémonos á relación entre a Academia e a cidade da Coruña, desde a súa fundación en 1849 ata a actualidade. Percorreremos as obras de moitos/as dos académicos e académicas que compuxeron as sete seccións nas que está composta a academia, con enfoques tan diferentes como pintura, fotografía, escultura, arquitectura e música.

As visitas serán realizadas polo documentalista da exposición Alberto Fontes Valcárcel, son gratuítas e realizaranse os seguintes venres ás 18.00 horas:

• 14 de marzo

• 28 de marzo

• 11 de abril

• 25 de abril

É necesario reservar a asistencia ás visitas no correo electrónico kioscoalfonso@coruna.gal (indicando que día se quere asistir e o nome de todas as persoas asistentes).