O texto é unha idea orixinal de Pedro Ruiz, adaptada aos novos tempos por Estudo Momento. Unha sátira política brillante e incisiva con intelixencia artificial, noticias falsas, redes sociais, xornalistas-estrela, telelixo, política... E moitas sorpresas máis!

Esta é a obra da que todo o mundo fala. 100x100 orixinal. 100x100 elegante. 100x100 hilarante.

Xoán C. Mejuto interpreta a Bernard Mathieu, un presidente en apuros que destaca polas súas habilidades á hora de aferrarse ao poder. A súa maior virtude? O engano. Iria Ares é Paola D´Angio, unha primeira dama que porá patas para arriba a todo un país. O seu maior defecto? A sinceridade.

O escándalo salta definitivamente cando a televisión emite en prime time un vídeo do primeiro encontro sexual entre Bernard e Paola, cando o presidente aínda estaba casado coa súa primeira muller!

Bernard sabe que ten que dimitir, aínda que a palabra se lle atragoe na gorxa. Paola, en cambio, ve unha oportunidade única para mellorar a popularidade da parella presidencial. E o pobo? E a prensa? E o mundo da política? Se queres saber en que termina toda esta lea e cales son as artimañas do poder e os seus mecanismos... Ven ver Escándalo en palacio! O que verás aquí, non cho van contar en ningún outro sitio...

Que empeza o show!

Dirección: Iria Ares e Xoán C. Mejuto

Actores: Xoán Carlos Mejuto e Iria Ares

Idea orixinal e dramaturxia: Pedro Ruiz

Espectáculo non recomendado para menores de 13 anos

Xénero: alta comedia

Duración: 90 minutos

VENDA DE ENTRADAS:

• www.ataquilla.com
• Despacho de billetes da praza de Ourense (excepto festivos): de luns a venres, das 11.00 ás 15.00 h e das 16.30 ás 19.30 h
• Despacho de billetes do Teatro Colón: dende dúas horas antes do comezo do espectáculo (sempre que queden entradas dispoñibles)