Coa exposición fotográfica Peón, non atraveses a túa vida a Asociación STOP Accidentes busca promover na cidadanía unha reflexión visual sobre a mobilidade no ámbito urbano e interurbano, provocando a reflexión social sobre os riscos na mobilidade a través de imaxes de infraccións e/ou situacións de risco de peóns e peoas, condutores/as e pasaxeiros/as.

A través da fotografía a asociación conciencia e promove a prevención e educación viaria, co obxectivo de conseguir un cambio na cultura viaria da sociedade.

A exposición está formada por fotografías de diferentes autores e autoras que participaron no concurso que leva o mesmo título "Peón, non atraveses a túa vida". Con esta iniciativa STOP Accidentes, quere concienciar as persoas condutoras e demais usuarias das vías públicas sobre a necesidade de cumprir coas normas de tráfico.