Sen Numerar Primavera 2023: "Iphixenia na porta do súper", de Compañía Humana
"Iphixenia na porta do súper" é unha crítica aos recortes nos servizos públicos, sobre todo na sanidade, que fai un paralelismo entre o mito clásico de Iphixenia e unha rapaza de barrio actual. "Iphixenia na porta do súper" é unha revisión contemporánea do mito clásico de Eurípides. Unha brillante versión premiada como mellor texto do 2015 nos UK Theatre Awards for Best New Play.
A quen vai dirixido:
Xuvenil, Para público en xeral
Cando:
31/03/2023
Xa rematou
Horario:
21:00 h
Enderezo:
Auditorio do Fórum Metropolitano. Rúa Río Monelos 1. 15006 A Coruña
Prezo:
ENTRADA: 9,00 €; descontos (Carné Xove, maiores de 65 e persoas desempregadas): 7,00 €
Requisitos:
Cousas que debes saber antes de virnos ver:
- Pídese puntualidade. Non se permitirá acceder á sala unha vez que empece a función.
- Todas as persoas que accedan ao auditorio do Fórum deben facelo con entrada.
- Non está permitido entrar á sala con comida nin bebida.
- Non está permitido sacar fotos nin gravar durante a función.
- Polas súas especiais características, algún dos espectáculos poden ter capacidade reducida.
E DESPOIS DO ESPECTÁCULO
Se che gustou, compárteo nas redes sociais ou deixándonos un comentario no noso correo forum@coruna.es
Organiza:
IMCE
Contacto:
forum@coruna.gal
Iphixenia, unha "nini" de barrio, pasa os días nun bucle de alcohol e apatía roldando as rúas da súa vila. Unha noite coñece un tío distinto dos demais e comeza a sentir unha sensación estraña, como de non estar soa. A partir de aquí, unha serie de circunstancias alleas levará a protagonista a sufrir unha gran perda.
Se no mito clásico Iphixenia era sacrificada polo seu pai Agamenón para contentar os deuses e proseguir coa guerra de Troia, nesta traxedia dos nosos días é a propia protagonista quen decide sacrificarse e converter o seu sufrimento en xenerosidade cara á sociedade que a marxina. Unha personalidade magnética, directa, que nos amosa sen filtros e con humor a humanidade que se esconde tras as colas na atención primaria, recorte de camas hospitalarias, ausencia de médicos. Unha historia de sacrificio, dignidade e esperanza.
FICHA ARTÍSTICA
Intérprete: Alba Caneda
Autoría: Gary Owen
Dirección: Sara Rey
Adaptación: Fran Peleteiro e Alba Caneda
Escenografía e iluminación: Carmen Casal e María Torres (As Dúas en Punto)
Deseño de son : Compañía Humana
Vestiario: Compañía Humana
Drama. Monólogo de teatro contemporáneo
Duración: 75 minutos
Idioma: galego
Especialmente recomendada para público xuvenil
PREMIO AO MELLOR TEXTO DO 2015 NOS UK THEATRE AWARDS FOR BEST NEW PLAY
VENDA DE BILLETES
- www.ataquilla.com
- Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.
- Despacho de billetes do Fórum: dende unha hora antes do comezo do espectáculo (sempre que queden entradas dispoñibles)
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible