PERDER A LINGUA é unha peza de danza, voz, videocreación e escenografía traballan en simbiose para crear unha posta en escena conceptual que pon en valor as nosas raíces, territorio e singularidades culturais.

Dispositivo escénico no que se recolle o proceso de construción dunha lingua. Da ausencia á pertenza, transitamos dende os primeiros esforzos da gorxa por comunicarse, ata a celebración de compartir e ser en común. O recurso gráfico e conceptual que nos acompaña é a forma das ondas sonoras: a liña debuxada polo espectograma imita a liña do horizonte, e as ondas cadradas definen os límites do espazo escénico.

Espectáculo de danza de pequeno formato e longa duración, para público adulto, concebido para salas e teatros, onde a interacción tecnolóxica amplía e reverbera a creación viva do escenario.

Foi creado grazas ás axudas a nova creación 2024 do AGADIC, Xunta de Galicia

Autoría: Eva Comesaña, Rubén Fernández, Eva Antelo

Dirección e interpretación: Eva Comesaña

Música e interpretación: Rubén Fernández

Venda de entradas 

Despacho de billetes da praza de Ourense, de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña