Obradoiro que ten por obxecto promover unha reflexión e actitude crítica que contribúa á toma de decisións saudables respecto ao consumo de substancias en xeral e do consumo de alcohol e cannabis en particular.

Obradoiro que ten como obxectivo previr no alumnado o uso inadecuado dos videoxogos e a toma de conciencia sobre as vantaxes e inconvenientes e o establecemento de estratexias sobre o seu uso.

Programa de educación ambiental dirixido a coñecer os distintos tipos de animais da nosa cidade e fomentar unha tenza responsable dos animais domésticos.

Este obradoiro ten como obxectivo promover a toma de conciencia por parte dos participantes dos riscos asociados ao uso da Internet e facilitar habilidades para moverse neste novo "hábitat" con seguridade.

Programa de educación ambiental dirixido a recoñecer e valorar a importancia da auga e o seu consumo responsable.

Ten como obxectivo facilitar a información necesaria para unha alimentación correcta e saudable, concienciando o alumnado de que un consumo responsable terá un impacto positivo na nosa saúde.

O Departamento de Mocidade do Concello da Coruña, a través dos Espazos Municipais de Información Xuvenil, sitúan en centros públicos e tamén en centros concertados con ESO e bacharelato da cidade, unha rede de pequenas sucursais informativas durante o curso escolar.

O programa "Arte e cultura no centro" ofrece unha experiencia educativa que complementa a xornada escolar de nenos e nenas, promovendo o seu desenvolvemento integral a través dun amplo abano de actividades artísticas e culturais nunha contorna lúdica.

Organízanse a través de dúas propostas diferenciadas: "OBRADOIROS" e/ou "LUDIVERSO".

Obradoiro que promove o pensamento crítico, a influencia das ideas preconcibidas nas condutas e a comprensión da manipulación mediática a través da Internet e outros medios.

STOP Accidentes xera un modelo de intervención socioeducativa dirixido á poboación nova, que necesita desprazarse, tanto en contornas urbanas coma interurbanas, de forma autónoma e son usuarios habituais de diferentes medios de transporte. Adaptamos a nosa metodoloxía a cada colectivo e actualizando contidos considerando sempre as diferentes idades e momento evolutivo dos participantes para traballar valores de convivencia na mobilidade.

Programa no que ao alumnado de 4.º da ESO, residente na cidade da Coruña, se lle ofrece a oportunidade de cursar o Grao 11 (equivalente a 1º de Bacharelato) no Canadá.

É un proxecto amigable que forma parte das estratexias do Concello da Coruña e Stop Accidentes para impulsar a mobilidade sostible e converter as persoas peoas nas verdadeiras protagonistas da seguridade viaria.

A Federación Provincial das ANPA en convenio co Concello da Coruña, co fin de dar resposta ás necesidades de conciliación das familias nos períodos vacacionais (a partir da última semana de xuño e durante o mes de xullo), leva a cabo o programa de "Campacole", que se desenvolve como campamentos urbanos con servizo de madrugadores e comedor.

Ten como obxectivo dar a coñecer as principais pautas para identificar claramente os produtos que se comercializan no mercado, así como os requisitos xerais de seguridade.

Concerto didáctico sobre os instrumentos musicais tradicionais galegos

Dirixido ao alumnado de 3.º a 6.º de educación primaria da cidade, para promover o camiño escolar e a seguridade viaria en todos os centros da cidade, impulsando hábitos de mobilidade saudables nos desprazamentos cotiáns do alumnado para fomentar o desprazamento a pé de nenos/as e familiares nos seus traxectos escolares.

Sesións de formación e de familiarización no manexo de drons para posteriormente participar no concurso.

Trátase de propiciar a introdución na aula dunha tecnoloxía nova e motivadora e de alcanzar obxectivos educativos a través do manexo e da programación de Droneblocks do dron Tello.

O Concello da Coruña, a través do Servizo de Educación, promove o Consello Local da Infancia da Coruña, CLIAC, cuxo obxectivo é constituír un grupo estable de traballo con nenos e nenas da cidade que traslade a voz de infancia ás políticas públicas do Concello.

Ten como obxectivo orientar o alumnado cara a un consumo consciente e responsable, descubrindo alternativas para facelo desde unha perspectiva ecolóxica, ética e comprometida coa contorna.

Ten como obxectivo favorecer que o alumnado coñeza os seus dereitos e deberes á hora de consumir tecnoloxía, co fin de facer un uso responsable da mesma.

Ten como obxectivo promover o benestar emocional do alumnado a través da expresión das súas experiencias, pensamentos, sensacións ... e a súa incorporación de forma saudable ao seu hábitat emocional (regularización de emocións, prevención de ansiedade...), como parte da prevención de riscos asociados ao comezo de condutas adictivas.

A exposición "Converxencias, arte e ciencia: Escher", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro do proxecto que vén desenvolvendo de actividades de difusión da ciencia e da cultura científica na sociedade, especialmente para mostrar as sinerxias e vínculos entre a arte e a ciencia.

CÓXEGAS ofrece unha solución para a conciliación familiar e laboral durante o mes de setembro para escolares de centros públicos. Os nenos e as nenas gozarán de xogos, deportes e actividades lúdicas como teatro e arte, participando nunha emocionante aventura que se desenvolve ao longo de tres semanas.

O programa DEPORTE NO CENTRO promove o poder do deporte para o desenvolvemento integral dos menores, xa que non só promove a actividade física, senón que tamén ensina valores e habilidades fundamentais.

Ten como obxectivo ofrecer a información necesaria para que o alumnado coñeza os seus dereitos e deberes como persoas consumidoras e que saiba exercelos de maneira responsable.

O programa de Educación Viaria do Concello da Coruña é unha actividade dirixida e realizada pola Policía Local da nosa cidade. Busca mellorar a seguridade viaria dos escolares mediante unha formación adecuada e adaptada ás necesidades e diversidade dos grupos, destacando a transmisión de valores e actitudes de condutas cívicas, e por tanto, viarias.

Programa de educación ambiental destinado a recoñecer os recursos enerxéticos e fomentar un aforro enerxético eficaz.

Obradoiro que ten por obxecto favorecer decisións saudables no uso adecuado das redes e valorar a súa influencia nos comportamentos propios e alleos

Programa para dar a coñecer o patrimonio da cidade e desenvolver un sentimento de pertenza local entre o alumnado dos centros educativos.

A presenza de todo tipo de mascotas acompañando as nosas vidas nas cidades é cada vez máis frecuente. Nos últimos anos apareceron diversas normativas que tentan xestionar a súa tenza, e tratar asuntos como: os malos tratos animais e a tenza responsable, a introdución de especies invasoras ou o comercio de especies vulnerables. Nesta actividade imos ver como afectan estas normativas á nosa relación coas mascotas. Estamos dispostos a asumir estas obrigas legais e éticas para con elas?

A XVIII edición da Feira Matemática é unha xornada para divulgar e afondar na ensinanza-aprendizaxe das matemáticas e para conseguir unha intercomunicación social, matemática, lúdica, práctica e agradable, animando a nenos/as e maiores a resolver problemas matemáticos diversos. Organizada pola Asociación Galega de Profesorado de Educación Matemática (Agapema).

Este obradoiro trata de fomentar a capacidade de expoñer argumentos propios e reflexionados sobre un contido determinado. Esta aprendizaxe facilítase cando o acompañamento é apropiado, as fontes nas que se fundamentan os argumentos son adecuadas, variadas e a contorna creada na aula dá cabida a un pensamento crítico baseado no cuestionamiento e a pluralidade de opcións.

Obradoiro para fomentar no alumnado as habilidades de comunicación e as competencias para a toma de decisións autónomas e saudables, que actúan como factores de protección fronte ao comezo do consumo de substancias adictivas.

Prepara o teu alumnado para unha aventura onde o humor, a creatividade e a nosa lingua galega se unen nunha explosión de gargalladas e aprendizaxe.

O programa ofrece a oportunidade de perfeccionar o dominio de idioma inglés e profundar no coñecemento real doutra cultura, obtendo ademais un certificado oficial do nivel alcanzado segundo o Marco Común Europeo de Referencia para as Linguas (MCERL).

IDIOMAS NO CENTRO é unha emocionante proposta de lecer centrada na aprendizaxe de idiomas estranxeiros de forma divertida.

As Xornadas de Orientación Artística e Profesional (XOAP 2025) están organizadas polo Servizo Municipal de Educación do Concello da Coruña e teñen como obxectivo informar sobre os estudos Superiores de Deseño e os ciclos de Formación Profesional e Ensinanzas Artísticas (ordinaria e básica) que se imparten nos centros públicos da cidade da Coruña.

Obradoiro que ten por obxecto facilitar información obxectiva para promover a análise sobre a influencia das redes sociais no comportamento e fomentar o seu uso dunha forma adecuada e sen riscos.

Programa de difusión do espírito emprendedor entre o alumnado de Centros con ciclos formativos de Formación Profesional e Ensino Especial situados no municipio da Coruña. O programa proporciónalle apoio ao profesorado dos centros participantes mediante a formación e titorización ao alumnado, ademais ofrécense premios que priman as mellores iniciativas emprendedoras.

O alumnado poderá optar a participar nunha feira na que se premian os tres mellores proxectos.

Obradoiro que promove as habilidades persoais e o traballo cooperativo de quen participa, desde unha perspectiva de xénero, para unha convivencia saudable e previr posibles situacións de ciberacoso e acoso escolar.

Percorridos por diversas zonas da cidade para coñecer a súa historia e algúns dos edificios emblemáticos, mediante actividades de observación.

Con este programa búscase facilitar o intercambio entre escolares dos diferentes municipios de Galicia e do norte de Portugal integrantes do Eixo Atlántico, para compartir experiencias entre escolares; especificamente, darlle a coñecer a cidade da Coruña ao alumnado dun centro educativo dun municipio portugués por determinar por sorteo.

Os intercambios escolares terán lugar durante 2 ou 3 días nos meses de abril ou maio de 2025.

Programa de educación ambiental dirixido a analizar e a concienciar sobre a mobilidade responsable, así como a visibilizar a accesibilidade.

A finalidade do Programa MUS-E é o traballo desde as artes, no ámbito escolar, como ferramenta que favorece a integración social, educativa e cultural do alumnado e as súas familias, mellorando con iso o seu rendemento na aula.

MUS-E fai fincapé na importancia do diálogo e a interacción así como o desenvolvemento da creatividade e a imaxinación na práctica educativa para a mellora das aprendizaxes na escola e o traballo en valores.

O Servizo Municipal de Deportes do Concello da Coruña oferta para escolares dos centros educativos públicos da cidade o programa de Natación Escolar, co fin de facilitarlles ás e aos escolares da cidade unha aprendizaxe significativa no medio acuático e un avance nas súas técnicas de natación.

Programa de educación ambiental dirixido á sensibilización e comprensión do aire

Obradoiro que ten por obxecto fortalecer as habilidades e competencias para unha actitude crítica fronte ao consumo de substancias e a xestión de posibles situacións de risco.

Este taller abordará diferentes temáticas relacionadas coa promoción da igualdade e da diversidade, axustándose ao nivel educativo do alumnado e empregando ferramentas didácticas atractivas e de natureza lúdica que aproveiten e potencien a creatividade do alumnado destinatario.

Este obradoiro abordará diferentes temáticas relacionadas coa promoción da Igualdade e da Diversidade, axustándose ao nivel educativo do alumnado e empregando ferramentas didácticas atractivas e de natureza lúdica que aproveiten e potencien a creatividade do alumnado destinatario.

Este obradoiro aborda diferentes contidos relacionados coa igualdade e co respecto da diversidade, aproveitando o valor simbólico do xogo, a narración e a ilustración de historias e reforzando nos e nas menores, de maneira transversal, capacidades como o autoconcepto, o autocontrol e as relacións entre iguais.

Este taller ten como obxectivo a prevención do uso inadecuado de redes sociais e xogos interactivos, así como a súa derivación en condutas de risco asociadas (ludopatía).

Taller que aborda a saúde afectivo-sexual desde unha perspectiva de xénero, no que se traballan as diferenzas na transmisión de valores emocionais, afectivos e sexuais segundo se trate de mozas ou de mozos, as repercusións que teñen as ditas diferenzas nas súas vidas e o impacto causado, neste ámbito tan importante da saúde, polos roles e estereotipos socialmente establecidos.

Ten como obxectivo orientar o alumnado cara a un consumo consciente e responsable relacionado coas súas actividades cotiás.

O concurso de cánticos de animación para escolares é unha iniciativa innovadora para fomentar o espírito deportivo e o sentido da comunidade na cidade. Coa participación dos colexios e o apoio da afección, fortalécese o vínculo entre o Club Básquet Coruña e as futuras xeracións de afeccionados e afeccionadas, garantindo un ambiente vibrante e respectuoso no Coliseum.

O Concello da Coruña desenvolve un Pleno Infantil no que a Alcaldesa e o Concelleiro de Educación se reúnen con escolares da cidade.

Obradoiro que ten por obxecto promover no alumnado actitudes prosociais e saudables, que proporcionen as ferramentas adecuadas para unha abordaxe e xestión saudable e positiva dos conflitos en xeral e ante as situacións relacionadas co consumo de substancias adictivas e alcohol en particular.

Charlas de primeiros auxilios orientadas ao alumnado dos centros educativos e ao seu persoal docente.

Ten como obxectivo descubrir, dunha maneira lúdica, a existencia de técnicas e métodos que empregan as marcas para incitarnos á compra, aprendendo así a realizar un consumo intelixente e responsable.

Actividade para fomentar o espírito cooperativo e de traballo en grupo a través das matemáticas.

Programa de educación ambiental dirixido a coñecer as claves críticas da xestión sostible e o Plan de Residuos Municipal.

Percorridos a pé pola cidade para escolares desde os tres ata os oito anos, co obxecto de que coñezan a súa cidade á vez que adquiren valores e actitudes cívicas, realizando actividades didácticas.

"Sementando participación" é un programa que se leva a cabo desde 2018 co obxectivo de xerar un proceso de participación infantil para que nenas, nenos e adolescentes da cidade coñezan e practiquen técnicas, ferramentas e habilidades para a participación cívica.

Programa educativo que fomenta os valores da economía social e o espírito emprendedor a través da creación e xestión dunha cooperativa escolar na aula.

Son un conxunto de intervencións sistemáticas dirixidas a facilitar o tránsito desde a escola á vida laboral activa, desenvolvidas co obxecto de posibilitar que os estudantes de FP dos Institutos de Ensino Secundario do municipio, dispoñan da información e o asesoramento necesario para acurtar os tempos entre a finalización dos estudos e a incorporación ao emprego.

A intención do programa "Son futuro" é ofrecer un plan de formación musical didáctico e progresivo para que o alumnado asista a concertos con programas musicais adaptados, e que estes lles vaian acompañando durante todo o seu proceso evolutivo e formativo.

O servizo municipal de Educación, en colaboración coa Federación de ANPA de centros públicos da Coruña, organiza o programa Summer Talk, a partir da última semana de xuño e durante o mes de xullo, no cal, a través de actividades de dinamización dirixidas ao alumnado de educación infantil, primaria e ESO de centros públicos, foméntase a expresión e comprensión oral da lingua inglesa.

O IMCE ofrécelles aos centros escolares parte da súa programación de teatro con espectáculos específicos para os distintos niveis educativos e en horario escolar de FORMA SEGURA.

O IMCE ofrécelles aos centros escolares parte da súa programación de teatro con espectáculos específicos para os distintos niveis educativos e en horario escolar de forma segura.

O proxecto consta dunha serie de concertos para escolares, no que o alumnado asistirá a diferentes sesións nas que participará dun concerto en modalidade de oínte ou activo, compartindo nese caso, escenario conxuntamente co profesorado da Banda Municipal.

Programa de educación ambiental dirixido a sensibilizar o alumnado no coidado da súa contorna máis próxima.

Obradoiro que ten por obxecto promover a toma de decisións saudables no uso das redes sociais e os videoxogos, cunha metodoloxía baseada no uso de actividades TRICs.

Visita a Casa das Ciencias, a Domus e o Aquarium Finisterrae para grupos escolares con reserva previa

O programa de visitas escolares ofrécelle a posibilidade de coñecer diferentes espazos, empresas e entidades da cidade da Coruña ao alumnado dos centros educativos. 

Visitas dirixidas ao segundo ciclo de educación infantil e a todos os niveis de educación primaria

Percorrido guiado polas dependencias que configuran cada casa museo.

Exposición de peonzas: historia, descrición, clasificación, actividades cos nenos.

Trátase dun obradoiro de programación e robótica onde o obxectivo é adquirir formación precisa para participar no concurso. Os conceptos computacionais utilízanse para enfocar e resolver problemas reais, comunicarnos con outras persoas e xestionar múltiples aspectos da nosa vida cotiá.

Programa educativo concibido como un intercambio de representacións entre os grupos de teatro escolar do Concello da Coruña. Cada grupo crea ou selecciona e ensaia unha obra de teatro, para representala noutro centro educativo e recibe o grupo de teatro do devandito centro.

Obradoiro que ten por obxecto fomentar hábitos saudables para previr o inicio de consumo de alcohol e tabaco.