Para celebrar o 25 aniversario da súa propia compañía, Sara Baras presenta "Vuela", un espectáculo en homenaxe ao mestre por antonomasia da guitarra: Paco de Lucía.

Ideado desde o respecto, o agarimo e o amor que ambos compartían, este espectáculo foi creado para ser inesquecible, para transportarnos unha vez máis a ese máxico mundo que só Sara Baras é capaz de crear. 

Enfrontándose á responsabilidade de lle render homenaxe ao xenio de Alxeciras, esta viaxe coreográfica está composta por 15 pezas únicas que xiran arredor dunha palabra; creando así, coa nosa linguaxe flamenca, palabras en movemento. 

Un fascinante percorrido dividido en catro actos, cada un dos cales tece unha narrativa poderosa: Madera, que nos lembra a forza dunhas raíces e a calidez do ser; Mar, que nos convida a navegar na paixón e ser como a auga; Muerte, unha forma de explorar as emocións humanas dende o máis profundo e Volar, a única forma de fuxir sen correr, simplemente deixándonos levar pola celebración e a alegría: unha oportunidade que só a música, o baile e os sentimentos nos poden brindar.

Venda de entradas:

Despacho de billetes da praza de Ourense: de luns a venres (excepto festivos) das 11.00 ás 15.00 h e das 16.30 ás 19.30 h

Despacho de billetes do Palacio da Ópera: días de función

Venda en liña: ataquilla.com