Nado en Fene no ano 1959 e veciño de San Sadurniño desde o ano 1987. Técnico de organización en Navantia (antiga Bazán),  na que traballo desde o ano 1976.

Levo uns 40 anos participando e colaborando con diferentes entidades.  A miña primeira colaboración foi co Movemento de Obxección de Conciencia (MOC), cofundador dunha cooperativa de produtores de mel, directivo da ANPA do CPI de San Sadurniño e da AVV O Castelo de Naraío, e socio colaborador de entidades vinculadas ao sector primario: AGFA e A Cortiña.

Preséntome polas listas do BNG ás eleccións municipais de San Sadurniño no ano 1991. Entro na Corporación Municipal pola lista do BNG no ano 1999.

Desde o ano 2007 formo parte do Goberno Municipal, levando ao longo de dúas lexislaturas as áreas de Cultura e Participación Veciñal, e desde o ano 2015 responsable de Desenvolvemento Local, Participación Veciñal e Xestión Interna.