Apego vai dirixido a vós, ás familias que vos estades a preparar para a chegada dun novo membro e tamén ás que tedes nenos e nenas ata 6 anos. Queremos axudar á socialización en galego e propoñervos o uso da lingua galega para crear vínculos coa familia, para asentar o arraigo a esta terra, porque a lingua que mamamos, na que aprendemos a falar, vai ser a base da identidade futura do voso fillo ou da vosa filla. A lingua de cada pobo é un tesouro irrepetible e tamén é a cerna que lle permite existir e descubrir o mundo. Únete a nós no Apego, porque cremos no noso futuro.
Un agasallo para ti
Para esas familias que queredes que a lingua galega forme parte da vosa vida, varios concellos de Galicia creamos o proxecto Apego. Se o vides coñecer, temos para vós, ou para ti, un agasallo de benvida con materiais e recursos moi útiles especialmente creados para este tempo de agarda e preparación.
Só tes que concertar unha cita con nós e atenderémoste encantados.
Que requisitos preciso?
Podedes recoller o voso agasallo no Servizo de Normalización Lingüística do Concello da Coruña. O único requisito que pedimos é que acheguedes un documento asinado polos servizos sanitarios que acredite que estades esperando un bebé se aínda non @ tedes ou, no caso de adopcións, deberedes entregar a asignación do/a menor.
Xunt@s creamos un vínculo especial
Súmate a este proxecto colectivo para fortalecer o apego e o arraigo a través da lingua galega, a lingua propia de Galicia, a dos nosos pais, avós... a nosa. Ter un vínculo tan especial co voso fillo ou filla é a base para que medren como persoas seguras, honestas, estables e felices.
Que actividades realizamos no Concello da Coruña?
Con todo o agarimo do mundo, preparamos algunhas actividades para as gozardes as familias en conxunto. Aquí podes consultar as máis recentes .
Onde podes ter máis información?
Se precisas coñecer máis sobre o proxecto, que concellos formamos parte del e das actividades das que podes gozar noutras partes do país, podes pasar pola páxina apego.gal.
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible