- Inicio
- Detalle
BTX
Bono taxi
Canles:
Telemático, Presencial
Nivel de tramitacion electronica:
Descarga e envío do formulario
Tipo:
Axudas, becas e subvencións
Materia:
Transporte, Sociedade e benestar
Órgano responsable:
Servizos Sociais
Vixente:
Si
Tramitación de axudas económicas, de carácter individual, para persoas cunha discapacidade que lle afecte gravemente á súa mobilidade e esta lle impida utilizar os transportes públicos colectivos, coa finalidade de proporcionarlles un servizo alternativo de taxi para os seus desprazamentos.
Bono Taxi convocatoria 2021
Inscricións:
Dende o 17/11/2021 ata o 16/12/2021
Sobre o procedemento
A quen vai dirixido?:
Persoas con discapacidade que lles impida utilizar os transportes públicos colectivos
Requisitos:
Poderán acceder á condición de persoa beneficiaria das subvencións as persoas con discapacidade recoñecida polo organismo competente da Xunta de Galicia, ou Administración competente, que afecte gravemente á mobilidade e que lles impida utilizar os transportes públicos colectivos. Esta condición debe quedar acreditada no documento administrativo que certifique a discapacidade.
As persoas beneficiarias, ademais dos previstos con carácter xeral no artigo 13 da Lei Xeral de Subvencións deberán cumprir os seguintes requisitos:
- Ser maior de 3 anos.
- Residir no Concello da Coruña e constar como empadroado.
- Ter recoñecida legalmente a condición de persoa con discapacidade mediante resolución (ou documento equivalente) do organismo competente da Xunta de Galicia ou Administración competente na que conste que a discapacidade afecta gravemente á mobilidade e impide utilizar os transportes públicos colectivos.
- No caso de que a persoa solicitante esté en activo, non ter recoñecido este beneficio por convenio colectivo, contrato laboral ou calquera outro título acreditativo. Nin tampouco ter dereito a este servizo a través de ISFAS, MUFACE ou outra entidade.
- Se a persoa é maior de 18 anos, non constar como titular de vehículo.
- Non dispoñer dunha capacidade económica, calculada conforme ao establecido na cláusula 6.4, superior ao 210% do IPREM vixente no ano 2022.
- Estar ao corrente das súas obrigas fiscais coa Axencia Estatal da Administración Tributaria (AEAT), co Concello da Coruña, así como coa Tesourería da Seguridade Social.
Prezo / Custo:
Ningún
Órgano que resolve:
Titular da Concellaría Delegada de Igualdade, Benestar Social e Participación
Máis información:
O importe global das subvencións obxecto desta convocatoria específica é de cento cincuenta e cinco mil euros (155.000,00 €), con cargo á aplicación orzamentaria 51.231.480.06.
O importe global dividirase a partes iguais entre todas as persoas solicitantes que reúnan os requisitos establecidos na convocatoria sen que a contía concedida a cada unha delas individualmente supere o importe de 2.000,00 €, incluídos, no seu caso, os suplementos procedentes de modificacións orzamentarias.
Presentación
Prazo de presentación:
Prazos de presentación da solicitude: de 17 de novembro a 16 de decembro de 2021.
A solicitude de subvención presentarase no prazo de 1 mes contado a partir do día seguinte ao da publicación do extracto desta convocatoria no Boletín Oficial da Provincia da Coruña. Entenderase como último día do prazo o correspondente ao mesmo ordinal do día da publicación da devandita convocatoria. Se o último día do prazo fose inhábil, entenderase prorrogado ao primeiro día hábil seguinte e, se no mes de vencimiento non houbese día equivalente ao inicial do cómputo, entenderase que o prazo termina o último día do mes.
Documentación necesaria:
Solicitude:
Solicitude específica, modelo 124, debidamente cuberta.
No modelo 124 pídese autorización en favor do Concello da Coruña para realizar as seguintes comprobacións. En caso de denegar a autorización, deberá presentar:
- Documento nacional de identidade, pasaporte ou tarxeta de identificación de estranxeiro da persoa solicitante e dos membros da unidade de convivencia. Só en caso de non autorizar a consulta
- Certificado de discapacidade: Certificado de discapacidade recoñecida polo organismo competente da Xunta de Galicia ou Administración equivalente no que conste que esta afecta gravemente á mobilidade e impide a utilización do transporte público colectivo (solicitante). Só en caso de non autorizar a consulta
- Certificado de prestacións: Titularidade de prestacións económicas do INSS e/ou SEPE-INEM (todos os membros da unidade de convivencia). Só en caso de non autorizar a consulta
- Información tributaria: Información tributaria dá AEAT, correspondente ao Imposto sobre a Renda das Persoas Físicas dos exercicios 2019 e/ou 2020 (todos os membros da unidade de convivencia). Só en caso de non autorizar a consulta
- Débeda Seguridade Social: Certificación de débedas pendentes de pagamento coa Seguridade Social (solicitante). Só en caso de non autorizar a consulta
- Débeda AEAT: Certificación de débedas pendentes de pagamento coa Axencia Estatal de Administración Tributaria (solicitante). Só en caso de non autorizar a consulta
- Débeda Concello: Certificación de débedas pendentes de pagamento co Concello da Coruña (solicitante). Só en caso de non autorizar a consulta
- Certificación da Dirección Xeral de Tráfico: certificación de non titularidade de vehículos de tracción mecánica (solicitantes maiores de idade). Só en caso de non autorizar a consulta
Documentos relacionados
Canles de presentación
Presencial
Que se necesita?:
Achegar a documentación en calquera oficina de atención en materia de rexistro
Como se fai?:
Solicitando cita previa, á que deberá acudir achegando a documentación solicitada, que lle será devolta tras ser escaneada.
Internet
Que se necesita?:
e-DNI ou certificado electrónico
Como se fai?:
Deberá cubrir o formulario web de tramitación e incorporar o modelo 124 debidamente cuberto, e a documentación solicitada en caso de non autorizar ao concello para a consulta de datos doutras administracións, e incorporar a firma electrónica ao final do proceso.
Páxina web:
https://sede.coruna.gal/opensiac/action/tramitacion?method=enter&id=1282
Teléfono
Despois
Prazo de resolución:
O prazo máximo de resolución e notificación da concesión das subvencións é de tres meses, contados a partir da data de publicación da convocatoria.
Sentido do silencio administrativo:
Sentido do silencio denegatorio.
E despois?:
Os bonos-taxis serán entregados en soporte papel, polo importe total da axuda concedida, e con importes de 0,50 €, 1,00 € e 3,00 €.
Poderán utilizarse desde o momento da entrega ata o 31 de decembro de 2022.
As axudas para transporte en taxi son persoais e intransferibles. Para favorecer o control das axudas:
- As persoas beneficiarias deberán facer constar a súa sinatura no bono-taxi.
- Os bonos-taxis serán entregados pola persoa beneficiaria da axuda á persoa titular do taxi, debendo ademais exhibir o seu documento oficial de identificación.
A persoa beneficiaria da axuda deberá aboar o importe restante ata a totalidade servizo, resultante da diferenza entre o valor dos bonos utilizados e o importe total facturado
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible