Solicitude:

Modelo normalizado de solicitude dispoñible nesta sede electrónica (modelo 124) de enchemento obrigatorio.

Consideraranse persoas membros computables da unidade de convivencia as seguintes:

1. A/o cónxuxe ou parella de feito.
2. As fillas e fillos menores de 18 anos, ou maiores desa idade incapacitados xudicialmente conforme á lexislación anterior á Lei 8/2021, do 2 de xuño, pola que se reforma a lexislación civil e procesual para o apoio ás persoas con discapacidade no exercicio da súa capacidade xurídica, ou respecto dos que se estableceron xudicialmente medidas de apoio atribuídas ás súas persoas proxenitoras despois da entrada en vigor desta lei, que convivan no domicilio.
3. As persoas menores en situación de acollemento permanente ou preadoptivo.

En caso de persoas solicitantes menores de idade, a unidade de convivencia para considerar será a formada polas súas persoas proxenitoras ou titoras e as restantes fillas e fillos menores de 18 anos, ou maiores desa idade incapacitadas/os xudicialmente, que convivan no domicilio.

En caso de non autorizarse expresamente a consulta a algún dos apartados contemplados na solicitude específica (modelo normalizado 124) as persoas solicitantes deberán presentar a documentación (certificado, declaración ou outro documento acreditativo válido) que acredite o cumprimento do requisito correspondente:

En relación coa persoa solicitante:

• Documento nacional de identidade, pasaporte ou tarxeta de identificación de persoa estranxeira, ou outro doculmento que acredite a identificación da persoa solicitante. Só no caso de non autorizar a consulta.
• Existencia de resolución ou certificado de discapacidade recoñecida polo organismo competente da Xunta de Galicia ou Administración equivalente no que conste que esta afecta gravemente á súa mobilidade e impide a utilización do transporte público colectivo. Só no caso de non autorizar a consulta.
• Certificación de estar ao corrente no cumprimento das obrigas coa Seguridade Social, a Axencia Estatal de Administración Tributaria (AEAT) e o Concello da Coruña.
• Certificación da Dirección Xeral de Tráfico de non titularidade de vehículos de tracción mecánica (persoas solicitantes maiores de idade). Só no caso de non autorizar expresamente a consulta.

En relación con todas as persoas membros da unidade de convivencia:

• Certificado de empadroamento das persoas membros da unidade de convivencia.
• Titularidade de prestacións económicas do Instituto Nacional da Seguridade Social (INSS) e/ou Servizo Público de Emprego (SEPE-INEM) das persoas membros da unidade de convivencia. Só no caso de non autorizar a consulta.
• Información tributaria da Axencia Estatal de Administración Tributaria (AEAT), correspondente ao Imposto sobre a Renda das Persoas Físicas do exercicio 2022 das persoas membros da unidade de convivencia. Só no caso de non autorizar expresamente a consulta.

Aquelas persoas que participaron na convocatoria ordinaria do ano 2024 só terán que presentar a solicitude de bono taxi, autorizando a consulta da información tributaria, de estar ao corrente no cumprimento de obrigas coa Seguridade Social, a Axencia Estatal de Administración Tributaria (AEAT) e o Concello da Coruña e os datos da Dirección Xeral de Tráfico. Non terán que presentar de novo a documentación obrigatoria da solicitude específica de subvención de bono-taxi que fose presentada coa solicitude da convocatoria ordinaria da presente anualidade, coa condición de que teñan validez.

Con todo, no caso de non autorizar esta consulta, será preciso presentar os certificados actualizados de estar ao corrente no cumprimento de obrigas coa Seguridade Social, a Axencia Estatal de Administración Tributaria (AEAT) e o Concello da Coruña.