Tipos de actividades subvencionadas:

• Tipo 1.- Actividade deportiva
• Tipo 2.- Actividade física ou deporte para todos
• Tipo 3.- Campamentos ou campus
• Tipo 4.- Actividades deportivas de carácter extraordinario

Unha mesma entidade deportiva só pode solicitar un máximo de dúas (2) subvencións de entre o total de tipos enumerados na Base 3. Por tanto, só se poderán subvencionar dúas (2) actividades distintas dunha mesma entidade. As actividades solicitadas poden ser dun único tipo dos enumerados na Base 3 ou tipos distintos.

No caso de que a entidade deportiva perciba unha axuda de forma directa (convenio nominativo) por parte da Concellería de Deportes ou dun ente colaborador, só terá dereito a solicitar unha única subvención de calquera dos 4 tipos recollidos na base 3, coa condición de que sexa inequívoco que a actividade que se pretenda subvencionar non estea financiada polo convenio nominativo.

O importe máximo do orzamento susceptible de ser subvencionado será o 80% do total del. En consecuencia, o coeficiente de financiamento propio será como mínimo do 20%. O orzamento máximo total en ningún caso será inferior a 2.000 euros; na fase de xustificación da actividade non se admitirán diminucións de orzamento total executado por baixo do devandito límite. Se así sucedese, perderase o dereito á subvención e iniciarase o expediente de reintegro das cantidades percibidas, de ser o caso.