Solicitude: Solicitude específica (Modelo 110) coa documentación que se indica relativa á persoa interesada e a súa actividade económica.

Planos: Planos de situación e localización do Plan xeral Municipal de Ordenación.

Planos: Plano da ocupación de vía pública solicitada debidamente medido con indicación das instalacións/elementos a instalar para o exercicio da actividade.

Proxecto: Proxecto técnico das instalacións proxectadas e da actividade (artigo 42.2 a) da LECEG) ou a memoria que defina as actividades e instalacións que se dispoñerán para desenvolvelas, a información sobre o tipo de espectáculo, a previsión aproximada de asistencia de público e o horario da actuación (artigos 42 quater 2 a) e 42 quinquies 2 a) da LECEG).

Plan de emerxencia: Plan de emerxencia ou o plan de autoprotección, o estudo de impacto acústico e o dispositivo de asistencia sanitaria que sexan esixibles de acordo coa normativa de aplicación e conforme aos requisitos que esta dispoña (artigos 42.2 b) e 42 quater 2 b) da LECEG).

Alta obrigas tributarias: Copia do alta en obrigas tributarias ou declaración dos fins benéficos da actividade adxunta ao documento que acredite o mesmo.

Taxas: Autoliquidación de taxas.

Seguros: Declaración da persoa titular onde se faga constar o compromiso de contratación do seguro previsto na normativa en materia de espectáculos públicos e actividades recreativas de Galicia ou o compromiso de subscribir un seguro para a actividade ata o momento de obtención da licenza para a mesma. Unha vez autorizada a actividade deberá presentar a póliza e o recibo xustificativo do pago da prima (artigos 42.2 c), 42 quater 2 c) e 42 quinquies b) da LECEG).

Identificación responsable técnico: Documento acreditativo da designación, por quen solicite a licenza, da persoa física ou xurídica que asumirá a responsabilidade técnica da montaxe da instalación.

Marcado CE: A marcado CE e a declaración CE de conformidade das instalacións que correspondan segundo as súas características e o certificado da instalación de baixa tensión de conexión coa rede (artigo 42.2 e) e 42 quinquies d) LECEG).

Outra documentación: Calquera outra documentación que veña esixida pola normativa de aplicación.