Se se ausenta do seu fogar, aínda que só sexa un pouquiño, non deixe enchufado o ferro de pasar, forno, cafeteira etc.

• Non fume na cama e menos aínda cando manipule produtos inflamables.
• Se hai lume ou fume detrás da porta dunha habitación mantéñaa pechada, rocíea con auga e tape as posibles entradas de fume con trapos mollados. Fágase ver pola ventá.
• Non sobrecargue enchufes nin realice unións improvisadas.
• Manteña limpa a campá extractora.
• Se se declara un incendio, abandone o que estea a facer, peche portas e ventás e póñase a salvo. Non use o ascensor e avance pegado á parede.
• Se hai fume, avance agachado e protexa o seu nariz e boca cun pano.
• Se o lume está nun recipiente, tápeo.