Arnaldo Antunes, gañador dun Latin Grammy, catro discos de platino e un de diamante, ademais de compoñente do supergrupo Tribalistas, presta a súa voz e alma para interpretar un novo proxecto xunto ao famoso pianista e compositor Vitor Araújo. Neste traballo, as proxeccións visuais teñen un papel importante e danlle á obra un ambiente contemporáneo e inusual. En formato voz e piano, Arnaldo e Vitor soben ao escenario para interpretar un repertorio que comeza cun aire introspectivo, pero que, en contacto co público, gaña dimensións de sentimento compartido. Ademais, ao longo da representación intercalará recitados dos seus poemas para mergullar o público nun ambiente cheo de creatividade e arte.

Venda de entradas:

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do Rosalía, só abre os días de función dende as 16.00 h

Venda en liña