As obras para persoas espectadoras tan novas reúnen algúns requisitos. Un deles é a proximidade entre o escenario e o público, o que fai que o patio de butacas se transforme nunha zona próxima ao escenario, con alfombras, coxíns, pequenos bancos..., onde nenas e nenos poden permanecer sentados con menos rixidez e dunha maneira máis acorde á súa anatomía, á beira das súas familias. O segundo requisito é a duración, que varía entre 30 e 45 minutos, que é o tempo no que a atención dun/dunha bebé pode concentrarse na actividade.

As propostas que presentamos este ano son moi variadas: con ou sen palabras, con obxectos, con música, con movemento, con efectos audiovisuais... Todas pretenden espertar sensibilidades e transmitir emocións achegándonos ao teatro, á danza, á música, á vida.

"Porque os nenos e as nenas merecen e necesitan que a arte forme parte das súas vidas; porque as artes escénicas contribúen á súa formación emocional, a desenvolver a empatía e a xerar sociedades máis xustas. Merecen poder emocionarse e gozar con contidos de calidade que lles falen da realidade da que eles e elas son partícipes. Merecen un mundo cheo de arte." (ASSITEJ España. Artes Escénicas para a Infancia e a Xuventude).

• 23.02.2025 La guarida de los sentidos, de elPetit & Imaginart
• 09.03.2025 O Comenoites, de Os Náufragos Teatro
• 13.04.2025 Closka, de PanicMap
• 04.05.2025 Mans, de Os Contos de Pablísimo
• 15.06.2025 Blink Flash Duncan, de Blink Flash

VENDA DE ENTRADAS

As entradas poderanse adquirir a partir do venres anterior a cada espectáculo.

• www.ataquilla.com
• Despacho de billetes da praza de Ourense (excepto festivos): de luns a venres das 11.00 ás 15.00 h e das 16.30 ás 19.30 h
• Despacho de billetes do Ágora: dende unha hora antes do comezo do espectáculo (sempre que queden entradas dispoñibles)

Pagamentos: no despacho de billetes da praza de Ourense, na do Ágora e na venda en liña con tarxeta de débito ou crédito, excepto American Express.

Máis información: www.coruna.gal/cultura