Unha fábula moderna sobre a cohabitación urbana que trata sobre os desafíos que supón superar diferenzas, sen texto e a través do teatro físico e a música en vivo.

"Full house" conta a historia dos veciños Koala, Can e Cabalo que viven porta con porta. Koala está, simplemente, namorada do mundo, Can é un solitario apaixonado da música clásica e o enerxético Cabalo ten sempre catro pratos cociñándose ao mesmo tempo. Están tan ocupados consigo mesmos e co seu día a día que nin sequera se decatan das necesidades dos demais.

Con iso parece que o conflito está ao virar a esquina. A guinda do pastel chega cando Tigre chega á comunidade como novo inquilino. A súa actitude exuberante supera a de todos os demais por completo. A súa chegada crea unha circunstancia na que os conflitos explotan mais, á vez, todos comezan a fixarse nos seus semellantes por primeira vez. Neste contexto xorde unha nova e inesperada situación cando Tigre convida a todos á súa festa do "Quentamento da casa", o que fai posible que todos se atopen e comecen a perder os seus prexuízos contra os demais.

Con: Nicolás Carbajal / Adam Purtí, Ana Redi Milatovic / Momo Fabré, Alina Stockinger / Ana Claramonte, David Franch / Josep Cosials

Son e música en directo: Siruan Darbandi / Ricardo Cornelius

Autoría: Eléctrico 28 e DAHIR

Dirección: Ana Redi-Milatovic

Adaptación: Sergi Estebanell, Ana Redi-Milatovic, Alina Stockinger

Teatro de máscaras sen texto con música en directo

Público: a partir de 4 anos

VENDA DE ENTRADAS:

• WEB: www.ataquilla.com
• Despacho de billetes da praza de Ourense (excepto festivos): de luns a venres das 11.00 ás 15.00 h e das 16.30 ás 19.30 h.
• Despacho de billetes do Fórum Metropolitano: desde 1 hora antes do comezo do espectáculo (sempre que queden entradas dispoñibles)