A Banda Municipal de Música da Coruña comezou este domingo a súa tempada 2023/2024, na que participarán numerosas figuras solistas, directores e compositores do ámbito local, nacional e internacional. O concelleiro da Área de Fomento e Promoción da Cidade, Gonzalo Castro, asistiu ao concerto inaugural e remarcou o apoio do Goberno de Inés Rey a "unha agrupación que forma parte, por méritos propios, da cultura coruñesa".

A cantante e compositora Sandra Calderón protagonizou a actuación da BMMC xunto co clarinete solista Xocas Meijide. A obra máis importante do programa foi 'El amor brujo', unha obra fundamental do século XX que interpretou Calderón. Ademais, a BMMC estreou unha obra composta polo vigués David Cuevas que contou coa actuación solista do clarinetista baixo da Banda, Xocas Meijide. O programa completouse con dúas obras máis: 'Obertura para una gran ciudad' e 'Cantares de Galicia'.

Ao longo do ano participarán distintos artistas de renome, apostando por talentos coruñeses e tamén do panorama musical nacional e internacional, tanto do ámbito da música clásica como doutros estilos. Un dos obxectivos do Goberno de Inés Rey coa confección desta programación será a captación de novos públicos ao tempo que afianza a calidade artística da Banda Municipal.

A programación 2023/2024

Ciclo de Outono

• Concerto temporada nº1. 5 de novembro
  • Clarinete solista: Xocas Meijide.
  • Cantaora: Sandra Calderón.
  • Dir: JM Romero
• Concerto temporada nº2. 19 de novembro
  • Dir: F. Marinho
• Concerto temporada nº3. 3 de decembro
  • Trombón solista: Ximo Vicedo
  • Dir: JM Romero
• Concerto temporada nº4. 17 de decembro
  • "Concerto de Nadal"
  • Solista: Coral El Eco
  • Dir: JM Romero
• Concerto temporada nº5. 21 de xaneiro
  • Dir: JM Rodilla
  • Ciclo de inverno
• Concerto temporada nº6. 28 de xaneiro
  • Dir: JM Romero
• Concerto temporada nº7. 11 de febreiro
  • Teatro Colón 12:15h
  • Dir: J. Viceiro
• Concerto temporada nº8. 25 de febreiro
  • Trompeta solista: Manuel Fernández
  • Dir: JM Romero
• Concerto temporada nº9. 10 de marzo
  • Solista: Helena García (Ganadora del Concurso de interpretación del CSMC)
  • Dir: JM Romero
• Concerto de Semana Santa. 16-17 de marzo
  • Igrexa San Jorge
  • Dir: JM Romero
  • Ciclo de primavera
• Concerto temporada nº10. 24 de marzo
  • "Concerto do Cinema Galego"
  • Dir: (a determinar)
• Concerto temporada nº11. 7 de abril
  • BMMC e Banda CPMUS
  • Dir: M. Godoy
• Concerto temporada nº12. 21 de abril
  • "Concerto de Clausura de temporada"
  • Trompa solista: Juan Manuel Gómez
  • Coro: Coro Cantabile
  • Dir: JM Romero