Queens of the Stone Age, coñecida como unha das mellores bandas de rock en directo da actualidade, actuará no 2024 por primeira vez en Galicia no Coliseum da Coruña. A cita, que terá lugar o 18 de xuño, súmase á estratexia posta en marcha polo Goberno de Inés Rey para o posicionamento da Coruña como escenario das grandes xiras internacionais.

O conxunto, formado en California por Joshua Homme durante a década dos 90, recolle éxitos da talla de 'No One Knows', 'Little Sister', 'My God is the Sun' o 'The Way You Used To Do' entre outros moitos. 

As entradas poderanse mercar desde este venres 15 de decembro ás 10.00 horas con carácter xeral, a través da web livenation.es, ataquilla.gal ou de forma presencial no despacho de billetes da Praza de Ourense. Terán un prezo dende 50 euros máis gastos de xestión. Ademais, a promotora abrirá unha preventa o xoves 14 de decemebro ás 10.00 horas a través da web livenation.es.

Este concerto será unha gran oportunidade de ver á banda californiana fóra de festivais este verán, con varias citas confirmadas en Europa. A Coruña súmase así cidades como Oslo ou Milán, mais cun concerto único para os máis fanáticos do rock de Queens of the Stone Age.