21 de septiembre de 2024
O encontro, organizado pola Fundación 26 de Decembro coa colaboración dos Ministerios de Dereitos Sociais e Igualdade, continuará en Sitges e Madrid
A cidade acolle este sábado a xornada de arranque do I Congreso Internacional de maiores LGTBI+, un encontro destinado a reunir a investigadores, académicos, profesionais da intervención, artistas, activistas e membros da comunidade para debater e intercambiar experiencias sobre o benestar e a calidade de vida das persoas maiores LGTBI+. Este I Congreso ten outras dúas sedes, Sitges e Madrid, que acollerán tres xornadas máis nas próximas semanas.
A concelleira de Medio Ambiente, Yoya Neira, que participou na apertura do Congreso no paraninfo da UDC, subliñou que coa celebración deste primeiro encontro internacional, a cidade "asume a súa dobre posición de referencia tanto sobre a defensa dos dereitos das persoas LGTBI+ no noroeste da Península como nas políticas municipais para mellorar a calidade de vida das persoas maiores". A concelleira lembrou que o Goberno de Inés Rey leva a cabo numerosas accións de apoio e traballa a diario cos diferentes colectivos LGTBI+ da cidade.
Nesta primeira xornada do Congreso presentouse unha instalación do artista Sergio Marey e a conferencia plenaria a cargo da escritora e activista Daniela Fernández centrouse nas disidencias de xénero na Galicia contemporánea. Ademais houbo unha exposición de testemuños e experiencias de maiores LGTBI+ e unha mesa redonda sobre o proxecto "Academia de Geras", co que a Fundación 26 de Decembro busca formar a persoas maiores de 50 anos LGTBIQ+ para mellorar o seu coñecemento sobre o proceso de envellecemento.
19 de octubre de 2024
15 de octubre de 2024
15 de octubre de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible