Para este curso 2020-21, solicitaron actividades 19 centros de Educación Infantil, Primaria, ESO, Bacharelato, Ciclos Formativos... chegando o número de actividades que se levarán a cabo a máis de 280, chegando a traballar cun total de 5.719 alumnas e alumnos (444 de Educación Infantil, 1.443 de Educación Primaria, 2.579 de ESO, 867 de Bacharelato, 286 de Ciclos Formativos e 90 de Educación Especial.

As actividades máis solicitadas nesta edición son "Nutrición e Dieta Equilibrada", "Seguridade en Internet" e "Redes Sociais".

Todas as actividades coordínanse co persoal docente dos centros e son levadas a cabo e dinamizadas por educadoras/es especialistas en consumo aportados pola OMIC da Coruña.

E ademais das actividades para escolares tamén se está preparando un amplo programa de actividades para adultos, tanto para realizar en colectivos, entidades ou centros cívicos, que se levarán a cabo cando as condicións hixiénico-sanitarias derivadas da COVID así o permitan.

En definitiva, un amplo programa de formación en consumo que se ve completado coa escola de verán, con campañas específicas, publicacións de folletos e manuais...

Para máis información poden consultar a web da OMIC www.coruna.es/omic ou ben chamar ao 981 189 820.