21 de enero de 2019
A inscrición de continuidade para as actividades de primavera ábrese esta mañá, mentres que a preinscrición para novas prazas poderase realizar os días 24 e 25 de xaneiro
A Concellería de Culturas, Deporte e Coñecemento informa de que esta semana abre o prazo de inscrición para participar na edición de primavera do Programa de Lecer do Fórum Metropolitano e do Centro Ágora, que iniciará a súa actividade o luns 4 de febreiro. Nesta ocasión, o Concello ofertará un total de 111 cursos e talleres de temática variada, que abranguen aspectos como artes plásticas, música, historia, psicomotricidade, creatividade manual, astronomía, literatura, arquitectura, mindfulness, teatro, monólogos, fotografía ou cociñas do mundo, ademais de monográficos e actividades específicas para maiores de 65 anos e menores de 12.
Como principal novidade, a Concellería de Culturas tamén ofrecerá, en colaboración da Academia Galega do Audiovisual --cuxa sede está situada no propio Ágora, na que tamén se atopa a Oficina de Cooperación Audiovisual (ACO) impulsada polo goberno local--, o curso Cineclube, vinculado á programación e ao cinema galego, no que participarán as autoras e os autores dos traballos e que se dirixe a dúas franxas de idade, como son a mocidade e as persoas maiores de 55 anos.
A veciñanza que desexe participar nalgún dos obradoiros do Programa de Lecer poderá solicitar a súa praza entre os días 21 e 23 no caso das inscricións de continuidade, e os días 24 e 25 para novas peticións. A preinscrición poderase facer a través do web www.coruna.gal/cultura, ou de xeito presencial no centro no que se desexe realizar o curso --Fórum ou Ágora--, en horario de 9.00 a 14.00 horas e de 16.00 a 20.00 horas. O sorteo público terá lugar o día 28 de xaneiro e as listas dos obradoiros adxudicados publicaranse o martes 29, a partires das 9.00 horas, tanto nos centros coma na web da Concellería de Culturas e no servizo de atención telefónica á cidadanía 010. As inscricións realizaranse os días 29 e 30 nas conserxerías do Fórum e Ágora e todos aqueles talleres que non enchan as súas prazas poñerán á disposición da veciñanza as vacantes a partires do día 31 de xaneiro. A cota é de 30 euros por obradoiro, agás para as persoas maiores de 65 anos, que aboarán 21 euros.
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible