O Concello da Coruña convoca os Premios 2024 ás Boas Prácticas das PEMES en materia de igualdade. O Goberno de Inés Rey quere deste xeito fomentar que as empresas locais implanten medidas en materia de conciliación e corresponsabilidade para os seus traballadores e traballadoras. "Con estes premios buscamos fomentar entre as empresas as medidas de conciliación e fomentar unha vida máis igualitaria", indicu a concelleira de Emprego, Comercio e Mercados, Diana Cabanas.

O obxectivo da convocatoria é premiar o labor das empresas en favor da igualdade de oportunidades e a conciliación da vida laboral e persoal. Estableceranse tres premios para cada unha das categorías, recoñecendo deste xeito a seis empresas. As contías distribúense da seguinte maneira:

Igualdade

• Primeiro premio: 7.000 euros
• Segundo premio: 5.000 euros
• Terceiro premio: 3.000 euros

Conciliación

• Primeiro premio: 7.000 euros
• Segundo premio: 5.000 euros
• Terceiro premio: 3.000 euros

As bases da convocatoria pódense consultar na web municipal, concretamente nas  Convocatorias municipales .

O prazo para presentar as solicitudes comeza o vindeieo luns 23 de setembro e rematará o venres 4 de outubro ás 23.59 horas, tal e como se recolle na publicación do Boletín Oficial da Provincia.

Poden presentaranse a través da sede electrónica municipal na seguinte ligazón.