A alcaldesa, Inés Rey, e a presidenta da Asociación Ecos do Sur María Lareo Fernández, asinaron no Palacio de María Pita a renovación do convenio nominativo por importe de 25.000 euros destinado ao programa para a mellora da empregabilidade de colectivos vulnerables que desenvolve a entidade.

Rey destacou que con este convenio e os demais que se articulan desde a área de Emprego, o Goberno local "traballa no ámbito das súas competencias sobre todo na inserción laboral das persoas que tuenen máis difícil acceder a un traballo e a unha vida autónoma". Este labor, engadiu, "complétase coas iniciativas que desenvolven outras áreas como Benestar Social e Igualdade nos ámbitos da inclusión e a formación".

Desde 1991, Ecos do Sur deseña e desenvolve proxectos de atención aos migrantes. Conta con sedes na Coruña e Madrid e estende as súas accións por todo ou Estado e tamén a nivel internacional.