A Coruña acolle esta fin de semana unha nova competición deportiva na praia do Orzán. Os mellores socorristas de Galicia achegaranse á cidade para participar no Campionato Galego Absoluto de Praia de Salvamento e Socorrismo, pechando a tempada deportiva autonómica desta categoría.

En total, 130 deportistas daranse cita no areal coruñés, representando a 10 clubs galegos. O concelleiro de Deportes, Manuel Vázquez, sinalou que a proba atraerá a centos de persoas á cidade. "Ademais dos 130 deportistas, contamos con todo o equipo da organización, familias e público, estimando unha concetración de máis de 700 persoas para presenciar a proba" explicou. Vázquez destacou a colaboración coa Federación de Salvamento e Socorrismo de Galicia na celebración da proba autonómica máis importante, avanzando no compromiso marcado polo Goberno de Inés Rey para situar a Coruña como cidade galega de referencia para eventos deportivos.

O campionato está estruturado en dúas xornadas e tres sesións, segundo as probas a realizar, e celebrarase no Orzán o sábado 6 e domingo 7 de xullo. comezará o sábado 6 de xuño ás 9 horas co quencemento e seguiranlle as probas, a partir das 10.10 horas, de carreira con ski de salvament, nadar surg, relevo rescate tubo de salvamento e relevo ocean. Xa pola tarde, a partir das 15.00 horas, terán lugar as probas de carreira e rescate con táboa de salvamento así como de bandeiras. O domingo 7 de xullo será a última xornada, comezando ás 8.30 horas co quencemento que dará lugar ás competicións, a partir das 9.30 horas, de sprint praia, relevo print praia, Ocean M e relevo ocean mixto M.

Os clubs que participarán na proba son o Club Salvamento e Socorrismo Carballo - SYSCA, Club Acuático Umia, Club Salvamento Acuático Pontevedra - SAPO, P.C. Salvamento Sanxenxo, Club Salvamento Acuático Laracha - SAL, Club Salvamento Sada - SASA, Club Salvamento Arteixo - SALVAR, Club Natación e Salvamento A Estrada, Club Salvamento Vilagarcía e Club Natación Santa Comba LB. Destaca que nesta edición, case o 50% das persoas inscritas son mulleres.