4 de agosto de 2024
Durante a noite do sábado 3 de agosto ao domingo 4, non se rexistrou ningunha incidencia por queima de contenedores
A Comisión de Seguimento da emerxencia sanitaria composta pola alcaldesa da Coruña, Inés Rey, a concelleira de Medio Ambiente, Yoya Neira, a concelleira de Seguridade Cidadá e Interior, Montserrat Paz, e o concelleiro de Economía e Planificación Estratéxica, José Manuel Lage, ademais de técnicos municipais das diferentes áreas, fixo seguimento este domingo do estado actual da recollida de lixo, así como das incidencias vandálicas que se están a producir.
Evolución da recollida polo servizo de emerxencia
Na xornada de onte, a empresa de emerxencia que reforza a recollida de residuos na cidade, Valoriza, recolleu un total de 56 toneladas de lixo orgánico e inorgánico, sen incidencias.
Desde a posta en marcha da recollida de emerxencia dos residuos acumulados nas rúas, os operarios de Valoriza xa recolleron un total de 606 toneladas de lixo.
Sen incidencias por queima de contenedores
Durante a noite do sábado 3 de agosto ao domingo 4, non se rexistrou ningunha incidencia por queima de contenedores.
Desde o pasado 24 de xuño, no San Xoán, o Concello rexistra a cifra de de 159 contedores queimados intencionadamente nos diversos distritos da cidade.
A folga indefinida, sen traballadores secundando o paro
No séptimo día de folga indefinida, segundo confirma a concesionaria, ningunha persoa traballadora secundou o paro, ao igual que nas anteriores xornadas.
Malia non haber ningún traballador en folga, nesta noite nos se rexistrou recollida de lixo en barrios como Os Mallos, O Castrillón, Os Castros e a Sardiñeira ou Elviña.
Porcentaxes de recollida da empresa adxudicataria da pasada noite, por zonas
Así foi, na pasada madrugada, o balance de recollida de lixo por parte da empresa concesionaria do servizo de recollida de lixo, Prezero.
6 de agosto de 2024
5 de agosto de 2024
3 de agosto de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible