21 de novembro de 2020
Xunto á recente reforma da praza da Concordia, cun orzamento de 212.000 euros, o Goberno local inviste máis de 600.000 euros para mellorar a accesibilidade e humanizar o barrio coruñés
O Concello adxudica a obra do ascensor do barrio dos Castros para a mellora da accesibilidade da zona, por valor de 402.000 euros.
O proxecto levouse á Xunta de Goberno Local do pasado 17 de xuño tras varios meses de consultas coas asociacións veciñais. De feito, o edil de Urbanismo, Juan Díaz Villoslada, e o seu equipo técnico mantiveron varias reunión coas asociacións dos Castros, do Castrillón e a Federación de Veciños que cualificaron de "moi positivo" o proxecto.
O obxectivo desta actuación, aseguran desde o Goberno local, é "mellorar a accesibilidade na confluencia da rúa Vila de Padrón e a rúa Ortigueira coa Avenida da Pasaxe" e, para iso, tomouse a decisión de instalar un ascensor que "permitirá salvar a elevada pendente existente na avenida da Concordia". Este ascensor desembarcará nunha ampla marquesiña que utilizará como parada tanto de buses urbanos como interurbanos. O acceso ao ascensor realizarase a través dunha pasarela elevada á que se chega subindo uns chanzos desde a rúa Ortigueira ou a través dunha rampla de acceso desde a rúa Villa de Padrón, de case 11 m de lonxitude. O ascensor terá capacidade para 12 persoas. O plan conta con informes favorables do Departamento de Patrimonio Urbanístico e do Departamento do Sistema de Información Territorial.
Canto á praza da Concordia, o Concello vén de investir 212.000 euros na súa reforma a través da eliminación dos bancos localizados no medio deste espazo para permitir unha distribución por idades, así como o peche da maioría das entradas para mellor a seguridade dos viandantes. O Goberno local, ademais, abriu ao público o novo aparcadoiro público de Casablanca, que dispón de aproximadamente 120 novas prazas de estacionamento. Os traballos consistiron en explanar e valar a parcela, así como en dotala de iluminación.
12 resultados
O 9 de out de 2024
A actuación, que consistirá na renovación do céspede artificial e do peche perimetral, ten un orzamento de máis de 430.000 euros
O 6 de out de 2024
Fixéronse co podium cun tempo de 29:46 e 34:12 respectivamente
O 4 de out de 2024
A alcaldesa, Inés Rey, recibiu aos 14 equipos da competición e fixo entrega dun obsequio a César Carballeira polo seu título de campión do mundo
O 2 de out de 2024
A proba celebrarase o vindeiro domingo 20 de outubro
O 1 de out de 2024
O Concello da Coruña e a Federación Galega de Atletismo organizan a proba, un clásico do calendario deportivo anual da cidade, e que chega este ano á súa XVIII edición
O 30 de set de 2024
O Concello e a Federación Galega e Española de Surf organizan este torneo que se celebrará na praia do Matadoiro, onde haberá tamén diferentes propostas de ocio e gastronomía
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible