3 de marzo de 2021
Esta medida, que non se incluía no anterior proxecto, permitirá que as e os praceiros poidan seguir realizando a súa actividade na praza Indalecio Prieto
A concelleira de Comercio, Mercados, Consumo e Barrios, Diana Cabanas, visitou este mediodía o mercado de Monte Alto que proximamente será completamente reformado cun orzamento de 3,7 millóns de euros. Canto comecen os traballos previos á actuación, o Concello porá a disposición das praceiras e praceiros un mercado provisional na praza Indalecio Prieto, co fin de que non teñan que paralizar a súa actividade comercial durante os meses en que se execute a rehabilitación do edificio. "Esta medida demostra o apoio do Goberno de Inés Rey ás persoas que traballan do mercado, unha previsión que anteriormente no se estaba a ter en conta e que evitará a súa paralización".
A alcaldesa, Inés Rey, sinala que coa remodelación do edificio se favorecerá o consumo no comercio local: "Promoveremos a compra venda de produtos de proximidade e faremos que as e os profesionais cheguen da mellor forma á súa clientela".
Así mesmo, con esta intervención, pendente desde hai dous mandatos, cambiarase a imaxe do inmoble con zonas verdes e elementos de conexión co barrio, como unha balconada. Monte Alto mellorará tamén en equipamentos cun aparcadoiro máis accesible, un elevador para as persoas usuarias da praza e un segundo de uso público que comunicará a zona de xeito vertical e asegurará a inclusión de todas e todos os residentes.
No lado norte, incorporarase a escola infantil e o mercado terá unha maior conexión co exterior cunha parte superior destinada aos postos de peixe e carne, e diante deles a zona seca destinada á compra e venda de froitas, verduras e outros produtos. O proxecto reservará dous locais polivalentes coa opción de poder xuntalos e crear un único espazo, que contarán á súa vez con metros cadrados pensados para almacén, aseos e vestiarios.
12 resultados
O 9 de out de 2024
A actuación, que consistirá na renovación do céspede artificial e do peche perimetral, ten un orzamento de máis de 430.000 euros
O 6 de out de 2024
Fixéronse co podium cun tempo de 29:46 e 34:12 respectivamente
O 4 de out de 2024
A alcaldesa, Inés Rey, recibiu aos 14 equipos da competición e fixo entrega dun obsequio a César Carballeira polo seu título de campión do mundo
O 2 de out de 2024
A proba celebrarase o vindeiro domingo 20 de outubro
O 1 de out de 2024
O Concello da Coruña e a Federación Galega de Atletismo organizan a proba, un clásico do calendario deportivo anual da cidade, e que chega este ano á súa XVIII edición
O 30 de set de 2024
O Concello e a Federación Galega e Española de Surf organizan este torneo que se celebrará na praia do Matadoiro, onde haberá tamén diferentes propostas de ocio e gastronomía
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible