10 de febreiro de 2021
As coruñesas e coruñeses poderán participar no certame desde este sábado subindo fotos ás redes dos seus traxes, que deberán ser tomadas nos domicilios de maneira individual ou en familia
As coruñesas e coruñeses poderán concursar desde este sábado 13 de febreiro no certame virtual de disfraces In-Troido que organiza o Concello, a través do IMCE, co fin de que non se perda a tradición pese á situación actual de pandemia e que se respecten as medidas de seguridade marcadas pola Xunta. Deste xeito, convídase a veciñanza a que participe e suba imaxes até o día 21 dos seus traxes para que, posteriormente, un xurado valore a orixinalidade e posta en escena das e dos concursantes, que se dividirán por categorías segundo a súa idade. Estableceranse catro modalidades: nunha primeira estarán incluídas as nenas e nenos de cero a seis anos, nunha segunda estarán as e os rapaces que teñen entre sete e doce anos e unha terceira será para as/os maiores de trece anos en adiante. Ademais, a iniciativa busca a complicidade de toda a familia cunha categoría grupal-familiar, que deberá estar composta polo menos por dúas persoas conviventes caracterizadas coa mesma temática.
Haberá catro premios en cada categoría:
1.º premio: bono de 150 euros para consumir no comercio local da cidade
2.º premio: bono de 100 euros para consumir no comercio local da cidade
3.º premio: bono de 50 euros para consumir no comercio local da cidade
4.º premio: lote de produtos de Entroido de Supermercados Gadis
Por outra banda, o xurado estará composto por representantes das agrupacións de comparsas da Coruña e a participación estará aberta a todas aquelas persoas físicas, maiores de idade, empadroadas na cidade que dispoñan dunha conta aberta en Facebook, Twitter ou Instagram. Permitirase a participación de menores a través das contas das e dos seus titores e as fotos terán que ser tomadas dentro dos domicilios no tempo de Entroido de 2021. Desta forma, as persoas interesadas subirán ás redes unha instantánea súa ou cedida con permiso por outra/o convivente, e incluirán no texto o título da foto, a categoría en que participa e a etiqueta #EntroidoCoruñés ou #IntroidoCoruñés, mencionando tamén a conta do Concello da Coruña en Facebook e Twitter @Concellocoruna e etiquetando a coruna_gal en Instagram. É importante que as imaxes se suban con carácter público e que os perfís estean abertos, en función das condicións de cada rede, para que o xurado poida valorar todos os contidos enviados.
As persoas gañadoras do concurso daranse a coñecer na primeira semana de marzo a través das redes do Concello e as bases completas pódense consultar desde hoxe na páxina web do Concello da Coruña: Bases concurso disfraces IN-troido Coruña IMCE
12 resultados
O 9 de out de 2024
A actuación, que consistirá na renovación do céspede artificial e do peche perimetral, ten un orzamento de máis de 430.000 euros
O 6 de out de 2024
Fixéronse co podium cun tempo de 29:46 e 34:12 respectivamente
O 4 de out de 2024
A alcaldesa, Inés Rey, recibiu aos 14 equipos da competición e fixo entrega dun obsequio a César Carballeira polo seu título de campión do mundo
O 2 de out de 2024
A proba celebrarase o vindeiro domingo 20 de outubro
O 1 de out de 2024
O Concello da Coruña e a Federación Galega de Atletismo organizan a proba, un clásico do calendario deportivo anual da cidade, e que chega este ano á súa XVIII edición
O 30 de set de 2024
O Concello e a Federación Galega e Española de Surf organizan este torneo que se celebrará na praia do Matadoiro, onde haberá tamén diferentes propostas de ocio e gastronomía
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible