2 de xuño de 2020
Esta actuación, que foi solicitada directamente pola Asociación de Veciños Labañou – San Roque, ten como obxectivo principal a mellora das zonas peonís no tramo comprendido entre a rúa Educación e a Praza da Mariña Mercante
A área de Infraestruturas e Mobilidade vén de rematar as obras de mellora da accesibilidade na avenida Gran Canaria, que arrincaron o pasado mes de febreiro.
Segundo a alcaldesa, Inés Rey, "con este proxecto o Concello responde ás peticións realizadas pola Asociación de Veciños Labañou - San Roque Francisco Rodríguez Otero á Concellería de Urbanismo, Infraestruturas e Mobilidade".
A actuación na avenida de Gran Canaria ten como obxectivo fundamental a mellora das zonas peonís no tramo comprendido entre a rúa Educación e a Praza da Mariña Mercante, onde enlazaría coas zonas peonís xa renovadas de Paseo de Rolda.
Desde Infraestruturas sinalan que se actuou "nas beirarrúas do tramo entre a rúa Perú e a rúa Educación, ata o paseo de Ronda, incluíndo a rotonda de Náutica", e que "o pavimento, que estaba moi deteriorado, substituise por terrazo en todo este tramo e por formigón na zona da praza entre a rúa Perú e a rúa Arxentina", onde tamén se instalará unha xardiñeira con nova vexetación e arboreda.
A accesibilidade tamén se veu mellorada nas dúas paradas de autobús desta vía, que agora ofrecen un andén adaptado e en liña co carril de circulación. Por outra banda, todos os pasos peonís da avenida melloraron a súa accesibilidade e priorizouse o tránsito peonil nas saídas dos garaxes.
Nestas obras de mellora tamén se habilitaron bancos e bolardos. Substituíronse as especies de alcorques individuais actuais por unha zona verde que impide o estacionamento de vehículos sobre as beirarrúas da avenida e, ademais, dá maior seguridade aos peóns e peoas.
Gran Canaria conta agora cunha nova canalización dos servizos municipais e do rego, e EMALCSA tamén aproveitou esta actuación para renovar toda a rede de abastecemento cunha nova tubaxe de fundición.
Moitas das obras que o Concello está a desenvolver en distintos barrios da cidade responden ás peticións que a veciñanza fai aos responsables municipais durante os encontros que se realizan de maneira periódica para coñecer a situación de cada zona.
12 resultados
O 9 de out de 2024
A actuación, que consistirá na renovación do céspede artificial e do peche perimetral, ten un orzamento de máis de 430.000 euros
O 6 de out de 2024
Fixéronse co podium cun tempo de 29:46 e 34:12 respectivamente
O 4 de out de 2024
A alcaldesa, Inés Rey, recibiu aos 14 equipos da competición e fixo entrega dun obsequio a César Carballeira polo seu título de campión do mundo
O 2 de out de 2024
A proba celebrarase o vindeiro domingo 20 de outubro
O 1 de out de 2024
O Concello da Coruña e a Federación Galega de Atletismo organizan a proba, un clásico do calendario deportivo anual da cidade, e que chega este ano á súa XVIII edición
O 30 de set de 2024
O Concello e a Federación Galega e Española de Surf organizan este torneo que se celebrará na praia do Matadoiro, onde haberá tamén diferentes propostas de ocio e gastronomía
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible