NECESIDADE E OPORTUNIDADE DA SÚA APROBACIÓN.

Na rehabilitación dos edificios existentes que maioritariamente carecen de illamento, ou dun illamento eficaz, debe utilizarse a tecnoloxía que permita reducir o seu consumo enerxético, segundo a normativa comunitaria que progresivamente, resulta máis esixente para acadar o obxectivo de cero emisións e lograr a neutralidade climática no ano 2050.

As administracións públicas implicadas poñen a disposición da cidadanía os medios necesarios para fomentar a construción baixo os criterios de eficiencia enerxética, e tamén un sistema de axudas públicas destinadas ao fomento da rehabilitación dos edificios existentes.

Os diversos sistemas de illamento dos edificios que aparecen no mercado, SITE, adoitan ser o xeito máis eficaz para illar os edificios e acadar unha mellora importante da súa eficiencia enerxética, e son tamén accesibles para as comunidades de propietarios.

Por estas vantaxes, estanse a presentar un número singularmente importante de solicitudes de habilitacións administrativas para implantar os sistemas de illamento SITE, nos últimos anos.

As intervencións nos edificios con estes sistemas modifican a composición das fachadas e a imaxe dos conxuntos dos edificios, a percepción estética das rúas, e, xa que logo, o entorno urbano, o que determina a necesidade de regular o xeito de implantación destes sistemas e dos seus acabados, baixo os criterios que permitan acadar ao tempo os obxectivos medio ambientais e o respecto a estética urbana, as características dos edificios, a calidade arquitectónica, e as dos diferentes contornos da cidade coa súa propia diversidade e sistemas construtivos, evitando así que un uso sistemáticos dos mesmos sistemas, acabados, e tratamentos das cores uniformice todos os edificios produza un cidade de imaxe plana.

Para garantir a seguridade xurídica na tramitación das habilitacións administrativas legalmente previstas redactouse nesta proposta normativa a relación e contidos documentais necesarios en cada caso.

Por todo o ante dito, resulta necesario aprobar unha ordenanza sobre as actuacións de rehabilitación para a mellora enerxética dos edificios na Coruña onde se regule a intervención nos edificios tanto catalogados como non catalogados, como aqueles que conformen un conxunto unitario que resolvan a integración arquitectónica das fachadas a rehabilitar, mantendo os seus elementos característicos de interese arquitectónico ou cultural así como, no caso de conformar un conxunto, responder a unha solución común.

OBXECTIVOS DESTA ORDENANZA.

O obxectivo da ordenanza é regulación municipal dos criterios de intervención nos edificios cos sistemas de illamento, e os seus acabados, segundo as características das construcións e a súa ubicación na contorna urbana, e os procedementos destinados a obter as habilitacións administrativas de natureza urbanística.

Segundo isto, propónse acadar os seguintes:

• Clasificar os edificios en categorías segundo as súas características: catalogados ou que conten con algún tipo de protección, ou que conformen conxuntos e non catalogados.
• Regular as condicións de intervención nos edificios catalogados ou que conten con algún tipo de protección, que conformen conxuntos e non catalogados.
• Regular a intervención nos edificios singulares integrados na norma zonal 1 do PXOM.
• Determinar o contido documental que debe achegarse coa súas solicitudes de licenza ou coa presentación das comunicacións previas de obras.
• Axilizar a tramitación dos procedementos.

POSIBLES SOLUCIÓNS ALTERNATIVAS REGULATORIAS E NON REGULATORIAS

De non determinarse os criterios de intervención nas envolventes dos edificios para mellorar a súa eficiencia enerxética ao tempo que se garante a conservación e integridade da estética urbana da cidade, para garantir a seguridade xurídica, deberían incorporarse á regulación máis xeral, coas modificación do planeamento xeral, o que implica unha tramitación longa e laboriosa, incompatible coa necesidade de regular o sinalado, o máis axiña posible, neste intre de proliferación das intervencións nas fachadas dos edificiosA regulación que se propón vencella ao conxunto da cidadanía e as outras administracións públicas, o que imposibilita que se poda establecer por medio da aprobación de criterios de servizo, ou directivos.

Pola contra, polo seu contido, o exercicio das facultades administrativas de que se trata e persoas as destinatarias da dita normativa, a regulación debe establecerse mediante unha disposición municipal con rango regulamentario (ordenanza).