9 de xullo de 2021

Publícase a listaxe de persoas que obtiveron un obsequio no sorteo dos carnés de participación. Pode consultar a listaxe na seguinte ligazón:

Listaxe de persoas agraciadas no sorteo de obsequios.

27 de xuño de 2021

Coñecido anteriormente como o "Día do Deporte na Rúa", o concello recupera este evento co fin de fomentar a práctica deportiva, neste caso, de máis de 60 especialidades.

A xornada festiva desenvolverase das 11.00 ás 14.00 horas e das 16.00 ás 19.00 horas nos seguintes puntos. Despregándoos poderá consultar todas as actividades dispoñibles en cada un deles:

Cidade Deportiva da Torre-Arsenio Iglesias

• Golf
• Pentatlón moderno
• Hóckey herba
• Fútbol
• Chutagol
• Arbitraxe
• Fútbol gaélico
• Pelota

Pista de Durmideiras

• Bádminton
• Frisbee
• Hóckey patíns
• Marcha nórdica
• Roller derby

Pista de petanca Santo Amaro

• Petanca

Xardíns de Méndez Núñez

• Carreiras de orientación
• Colombofilia
• Defensa persoal
• Aikido
• Judo
• Graplin
• Minitenis
• Taekwondo e loita
• Bujutsu
• Salvamento e socorrismo
• Taichí
• Tenis adaptado
• Xadrez

Cidade Deportiva de Riazor

• Dardos
• Rápel
• Deporte adaptado
• Volei praia
• Atletismo
• Tiro con arco
• Tenis de mesa
• Escalada
• Patinaxe artístico
• Rugby praia
• Xincana ciclista
• Skate
• Crossfit
• Boxeo
• Triatlón

Casa da Auga

• Esgrima
• Esgrima adaptada
• Halterofilia
• Actividades dirixidas
• Duatlón

Praza de San Pablo

• Baloncesto

Praza de Tabacos

• Fútbol sala
• Balonmán
• Ximnasia artística
• Ximnasia rítmica
• Patinaxe en liña
• Actividades dirixidas

Praia de Oza

• Windsurf
• Vela
• Remo e piragüismo
• Waterpolo
• Navegación costeira

Carné do/a deportista

A cada inscrita/o entregaráselle un "Carné do/a deportista" que se irá selando en cada un dos nove puntos de actividades se a/o participante supera a actividade nun tempo prudencial e con respecto ás normas establecidas polo persoal organizador en cada punto.

Para fomentar a participación en todas as zonas e actividades, e non só nas que tradicionalmente se contan como maioritarias, algunhas actividades valerán dous selos. Ao completarse a primeira fileira con tres selos, cada participante recibirá unha camiseta e poderá participar nun sorteo de agasallos.

Por cada fileira completada, poderá optar a un novo sorteo con mellores agasallos. O resultado do sorteo publicarase na web municipal de Deportes www.coruna.gal/deportes e comunicaráselles telefonicamente ás galardoadas e galardoados.

Os premios que non sexan recollidos antes de 30 días naturais serán doados a algunha entidade benéfica da cidade.

Cada espazo de actividade terá un punto de acceso para controlar a capacidade e para efectuar o protocolo COVID con control de temperatura e hixiene de mans. Tamén contará cun equipo Covid e os espazos de maior dimensión terán un punto de saída diferenciado para favorecer circulacións fluídas.