O Concello da Coruña organiza anualmente unha xornada de portas abertas nos estudios de artes plásticas da cidade baixo o nome de Estudios Abertos. Esta iniciativa reunirá este 10 de maio a 39 artistas e espazos da cidade, que lles amosarán aos coruñeses e ás coruñesas o seu traballo.

Participarán profesionais das diferentes disciplinas artísticas: escultura, pintura, fotografía, ilustración, debuxo, cerámica ou multidisciplinar. O acceso para a cidadanía é gratuíto e os estudios contarán con programación propia durante toda a xornada, que incluirá a participación de artistas invitados/as e outras sorpresas.

O obxectivo desta xornada é coñecer de primeira man as/os artistas coruñesas/es, os seus centros de traballo e creación e os seus procesos creativos. Son todos eles e elas profesionais radicados/as na cidade e que desenvolven o seu traballo nela.

Estudios Abertos 2025 - Plano de situación

Consulta o plano de situación desta edición: Estudios Abertos 2025 - Plano de situación