A Filmoteca de Galicia presenta a súa programación para o mes de abril 2025

Continúa coa 7.ª parte do ciclo "Close Up: cine e perspectiva de xénero" e presenta o ciclo dedicado á directora arxentina Albertina Carri "Territorios mutantes e cartografías queer", o ciclo dedicado ao director e guinista dos Países Baixos Frans van de Staak "A palabra en arquipélago" e un ciclo dedicado ao artista e director de cinema David Lynch. Todo isto xunto aos filmes integrados nas habituais seccións "Fóra de serie", "Off Galicia" e "Filmoteca Jr.".

Información xeral

Todas as proxeccións son en versión orixinal, excepto indicación contraria.

A duración das películas é orientativa e aproximada.

Esta programación pódese ver alterada por razóns alleas á vontade da organización.

Unha vez comezada a proxección non se permitirá entrar á Sala José Seller.