Do sábado 26 de Abril o domingo 27 de Abril do 2025 no Fórum Metropolitano

Se queres pasalo ben... ... Atrévete a vivir unha noite máxica no Fórum, onde o Antigo Exipto cobra vida!

Esta noite, o Fórum convértese nun escenario misterioso e cheo de aventuras. Como grandes aventureiros/as, teredes a oportunidade de viaxar no tempo e descubrir os segredos dun dos lugares máis fascinantes e misteriosos da historia: o Exipto dos faraóns.

Pasaredes unha boa chea de aventuras para tratar de descubrir todos os misterios que están por aparecer. Personaxes, lugares insólitos, intrigas... estarán no Fórum para facer desa noite unha xornada divertida e única.

Pero ollo!, xa sabedes que as cousas non son o que semellan! Se tes o espírito aventureiro e queres vivir unha noite divertida na que nada vai ser o que parece... Explora os recunchos do Fórum para atopar, descubrir e vivir as innumerables propostas que o nosos educador@s che van propoñer, dunha forma totalmente distinta e disparatada.

Demostra o teu valor realizando as probas máis intrépidas e aloucadas, endexamais vividas. Goza dunha noite incrible, onde, por raro que pareza, todo pode acontecer.

Horario da actividade: Recepción das/dos participantes: ás 19.00 h do sábado 26 de abril, no Auditorio do Fórum Metropolitano.

Recollida: o domingo 27 de abril, ás 13.00 h, na entrada principal do Fórum Metropolitano (organizados por colexios).

Requisitos para participar na actividade:

● Nenas e nenos de entre 6 e 12 anos, nados entre o 2013 e o 2019, que estean a cursar de 1º a 6º de Educación Primaria.

● Pagar a cota de inscrición no prazo establecido.

● Os/as participantes teñen que ter autonomía persoal, xa que esta actividade non conta con persoal de apoio para necesidades especiais. Os/as participantes inscritos deberán asistir con:

● Roupa e calzado moi cómodos, preferiblemente roupa deportiva. Ademais dunha muda polo que poida suceder (braga/calzón, calcetíns, camiseta e pantalón ou malla).

● Unha botella de auga para encher.

● Artigos de aseo persoal( cepillo de dentes, pasta e unha toalliña pequena para lavar e secar a cara, e se queren algo para peinarse ;) ).

● Un saco de durmir.

● Preferiblemente unha esteira (se non é posible, o Fórum dispón de algunhas esteiras e dun tatami). Cota: 25 € por participante. Inclúe: a cea do sábado (tortilla, bocadillos variados, froita e zumes), o almorzo do domingo (galletas, bolos, leite con chocolate, zumes e froita), así como os materiais para as actividades.

Calendario e proceso de inscrición: Prescrición: a partir do xoves 27 de marzo dende ás 9.00 ata o venres 28 de marzo ás 20.00 h.

Cubrindo este formulario.

*Dentro do formulario poderanse inscribir ata 4 aventureir@s que participarán co mesmo número de sorteo.

** Os irmáns ou irmás deben ir no mesmo formulario ou do contrario entrarán a sorteo con outro número diferente e polo tanto independente.

Publicación de listaxes de prescrición: o martes 01 de abril ás 12.00 h.

Nesta listaxe figurará o número de sorteo asignado por rigorosa orde, así como o DNI dos/das proxenitores/as dos/as aventureir@s prescritos, por favor en caso de erros avisar antes da data do sorteo.

Sorteo: xoves 03 de abril no Fórum ás 10.00 h. 

️ número resultante 156.

Publicación das listaxes de prazas adxudicadas: venres 04 de abril ás 12.00 h.

Ao longo da mañá do 04 de abril mandaremos correo de confirmación da praza.

Aboamento: do venres 04 de abril ata o luns 07 de abril antes das 10.00 h

Aquelas persoas que se inscriban e non reciban a confirmación da praza, pasarán a listaxe da agarda.

Pago da cota: Con data tope o luns 07 de abril (ata ás 10.00 da mañá) terán que facer o ingreso da cota, por transferencia á conta núm. ES76 2080 0036 6230 4002 1977 (ABANCA).

E enviar o seu comprobante por correo electrónico a forumagora@serviplus.org, xunto co nome/s dos/das nenos/as e co título "Durme no Fórum".

Por favor cada pai/nai/titor pode abonar o seu aínda que sexan grupos de 4, pero é imprescindible identificar no correo o neno/nena. Non se farán devolucións, agás que se cubra a praza con outro/a solicitante da listaxe de agarda.