Aberto o prazo de inscrición para a Gladiator Kids A Coruña, un evento de carácter lúdico, non competitivo, en que poderán participar nenos e nenas que o día de celebración da proba, sábado 11 de setembro, cumpriran a idade de participación: entre 3 e 12 anos. A proba desenvolverase no parque de Bens a partir das 16,00 horas. O límite de prazas será de 200

inscricións 

A Gladiator Kids A Coruña, organizada polo concello da Coruña, está pensada para que as persoas máis pequenas da casa gocen dun día en familia facendo actividade física. En todo momento, as persoas participantes irán acompañados polo pai ou a nai ou un titor ou titora.

Haberá dous percorridos diferentes para dúas franxas de idade: entre tres e seis anos, o trazado será de medio quilómetro e entre sete e doce anos, duns 800 metros aproximadamente.

A proba consiste en facer un circuito cheo de obstáculos como valados de paso, pirámides, barras de equilibrio, zonas para reptar, pneumáticos... Todas as persoas participantes recibirán un obsequio ao final da proba.

A inscrición é de balde.

Todas as persoas participantes deberán seguir o protocolo COVID, que será publicado unha semana antes. A organización resérvase o dereito á suspensión do evento se a situación sanitaria do momento así o recomenda.

Video presentación evento